بەلگىلى ءقازاقتىلدى بلوگەر الەكسەي لودوچنيكوۆ سۋ تاسقىنىنان زارداپ شەككەندەرگە كومەك كورسەتۋ ءۇشىن حالىقتان "اقشا جينايتىن" قازاقستاندىق بلوگەرلەردىڭ شىنايىلىعىنا كۇمان كەلتىرەدى، دەپ حابارلايدى Dalanews.kz.
“قازىرگى ۋاقىتتا ەلىمىزدىڭ كوپتەگەن ءوڭىرى مەن قالاسىندا سۋ تاسقىنى بولىپ جاتىر. وسىعان بايلانىستى ءاربىر ەكىنشى بلوگەر “سبور” اشادى. كەشە عانا وسى بلوگەرلەردىڭ بارلىعى جينالىپ، ۆيدەو ءتۇسىرىپ، “قيىن-قىستاۋ قيلى زاماندا” ءانىن قويىپ، “وسىنداي قىسىلتاياڭ مەزگىلدە بىر-بىرىمىزگە كومەكتەسەيىك، وسىعان بايلانىستى اقشا جيناۋدى باستايمىز” دەيدى.
نەلىكتەن بۇل “سبورلار” اشىلادى، مەن وسىنى تۇسىنبەيمىن. ۇكىمەت ءبارىن جاسايدى، توقايەۆتىڭ ءوزى “ءبىز بارىنە كومەكتەسەمىز، بارىنە ءۇي سالامىز، شىعىنداردىڭ ءبارىن وتەيمىز جانە ت.ب.” دەدى. ەلدىڭ كوپتەگەن ءىرى كاسىپورنى ميللياردتاعان اقشا بولەدى. BI Group ۇيلەردى سالامىز دەيدى. مەنىڭ ويىمشا، بۇل - جەتكىلىكتى، - دەدى لودوچكينوۆ الەۋمەتتىك جەلىدەگى پاراقشاسىندا.
ول بلوگەرلەرگە ەلدەن اقشا جيناماي، ءوز قاراجاتتارىن اۋدارۋدى ۇسىندى.
“بلوگەرلەر كەدەي ادامدار ەمەس دەپ ايتا الامىن. ەگەر ءسىز ولاردىڭ Instagram پاراقشالارىن كورسەڭىز، وندا كەيبىرەۋلەرىندە بەس كولىكتەن بار، ال ەندى ءبىرى كەيدە ميلليونداعان جانە ميللياردتاعان اقشا تاباتىنىمەن ماقتانادى. ونىڭ ورنىنا، بارلىق بلوگەر، ءوزارا اقشا جيناپ، “بۇل بارلىق بلوگەردىڭ اتىنان حالىققا كومەك بولسىن” دەپ ايتىڭىز، سوندا دۇرىس بولادى”، - دەدى لودوچنيكوۆ.
سونداي-اق الەكسەي جينالعان اقشانىڭ ەسەبى تۋرالى پىكىر ءبىلدىردى.
“ءبىر كەزدەرى سىزدەردىڭ بارلىعىڭىز، بلوگەرلەر، گيۆ ارقىلى اقشا جينادىڭىزدار. ونىڭ ەسەبى دە جوق، ەشتەڭە جوق. ولار: “ءبىز 5 ميلليون، 10 ميلليون تەڭگە جينادىق» دەيدى. ءبىراق ولاردىڭ قانشا جيناعانىن ەشكىم بىلمەيدى. بۇلاي بولمايدى! بىزدە “قازاق حالقىنا”، “ءبىز بىرگەمىز” قورلارى بار. مەنىڭ ويىمشا، بۇل كومەك ءۇشىن جەتكىلىكتى. جالپى، مۇنداي جىلۋ جيناۋ دەگەندى قويۋ كەرەك، بۇعان ۇكىمەت تە ابدەن ۇيرەنىپ قالعان، ەگەر بىردەڭە بولسا، وندا حالىقتىڭ ءوزى بىر-بىرىنە كومەكتەسەدى دەپ. بۇل مەنىڭ - جەكە پىكىرىم”، - دەپ قورىتىندىلادى لودوچنيكوۆ.
