بٸزدٸڭ حالىقتا “بٸر يت كٶرٸپ ٷرەدٸ, بٸر يت ەرٸپ ٷرەدٸ”-دەگەن سٶز بار. ادۆوكاتتاردىڭ كەسٸبي زاڭناماسىنا قاتىستى داۋ-داماي تٶڭٸرەگٸندە كەي ەرٸپتەستەرٸمنٸڭ ەرەكەتتەرٸ وسى سٶزدٸ ەرٸكسٸز ەسكە تٷسٸردٸ.
زامان تالابىنا ساي بولۋ دەگەن ۇعىم بار.
“زامانىڭ تٷلكٸ بولسا, تازى بوپ شال”-دەيدٸ. قازٸر اقپارات مايدانى زامانى. حايپ, پيار دەگەن تەرميندەر دە قازٸرگٸ زامان تالابىنا ساي شىققان انىقتامالار.
باستاپقىدا حايپ پەن پيار - ٶنەر ادامدارى مەن جاستارعا تەن ەدٸ. ەندٸ بۇل نەرسە ەڭ سەرەزنىي, سالماقتى دەگەن سالا-قۇقىق سالاسىنا, اتاپ ايتقاندا, قۇقىققورعاۋشىلارعا دا جۇقتى. ونىڭ ٸشٸندە دە جاستارىنا جۇقسا مەيلٸ, ساليقالى جاستاعىلارىنىڭ دا كەيبٸرٸ “جۇلدىز” اۋرۋىمەن اۋىراتىن بولدى.
ونىڭ بەلگٸلەرٸ قانداي, سوعان توقتالا كەتسەك,
- “قىرىق كٸسٸ بٸر جاق, قىڭىر كٸسٸ بٸر جاق”- بوپ, “بٷيرەكتەن سيراق شىعارۋ” ارقىلى ٶزٸن تانىتۋ;
- ٶز پٸكٸرٸمەن كەلٸسپەيتٸن, نەمەسە سٶزٸنٸڭ سالماعى, مەنٸ بار قارسى ۋەج ايتقان ادامدى بلوكتاپ, پٸكٸرٸن ٶشٸرٸپ تاستاۋ, نامىسىنا تيەتٸن سٶز جازۋ;
- ٸستەردٸ (نەمەسە زاڭناما نورمالارىن) تولىققاندى زەرتتەپ, زەردەلەمەي, ەل الدىندا بايبالام سالۋ ارقىلى كٶپشٸلٸك نازارىن ٶزٸنە اۋدارۋ;
وسى تەكتەس بەلگٸلەردٸ ارى قاراي دا تٸزە بەرۋگە بولادى, ەرينە... نەعۇرلىم ايعايلاي بەرسەك, دۇرىس بولسىن, بۇرىس بولسىن, پروتەست جاساپ, كەلٸسپەۋشٸلٸك بٸلدٸرە بەرسەك, اسقان بٸلٸم يەسٸ بوپ كٶرٸنەمٸز دەپ ويلاسا كەرەك.
ەڭ ٶكٸنٸشتٸسٸ-زاڭ بٸلٸمٸ جوق باسقا ماماندىق يەلەرٸ, ونىڭ ٸشٸندە قاراپايىم حالىق سول ايقايشىلارعا قۇلاي سەنەدٸ. ار جاعىنداعى تٷپكٸ ماقساتىن اڭعارمايدى. بايبالامنىڭ تٶركٸنٸن تٷسٸنبەيدٸ. شۋلاۋعا, شۋلاتۋعا تۇراتىن نەرسە مە, جوق “اتىڭ شىقپاسا, جەر ٶرتە”-دەگەن پرينتسيپپەن جاسالىپ جاتقان ايلا ما, بىلايعى جۇرت قايدان بٸلسٸن?...
P.S. بٸراز ۋاقىتتان بەرٸ “ماناستىڭ جىرىنداي” ۇزاق “جىرلانىپ” جاتقان, ادۆوكاتتار مەن زاڭ كونسۋلتانتتارىنىڭ كەسٸبي زاڭىنا قاتىستى ەلٸمٸزدەگٸ بٸراز زاڭگەرلەر تاراپىنان جاسالىپ جاتقان قورىتىندىلارعا الداعى ۋاقىتتا ٶز كٶزقاراسىمدى بٸلدٸرٸپ, پوست جازام. بۇل جولى ادامي فاكتورلارعا عانا توقتالدىم.
