تارقاتا ايتساق, داۋدىڭ باسى وسىدان بٸرنەشە جىل بۇرىن باستالعان. وسى ۋاقىت ٸشٸندە نۇركەن اينابەكوۆ وقو ەكٸمدٸگٸنٸڭ باسشىلارىمەن كٷرەسٸپ كەلەدٸ ەكەن. 2010 جىلى ول باسقارعان «ساياتجان» جشس وبلىس ەكٸمشٸلٸگٸنٸڭ شارۋاشىلىق باسقارماسىنىڭ تاپسىرۋىمەن وتباسىلىق-دەرٸگەرلٸك امبۋلاتوريي سوعا باستاعان. سول كەزدەگٸ شەنەۋنٸكتەردٸڭ بۇيرىعىمەن ول قۇرىلىستى ەكٸ قايتارا جٷرگٸزۋگە مەجبٷر بولىپتى.
وسىلايشا ٶز قاراجاتىن قۇرىلىسقا سالعان ازامات, قارىزعا بەلشەدەن باتادى. تالان-تاراج بولعان مەملەكەت قارجىسى قولىنا تٷسپەگەنٸ بىلاي تۇرسىن, ول قۇرىلىس ماتەريالدارىن ەكٸم قارالاردىڭ جەكە ٷيلەرٸنە تاسىپ شارشاعان. بۇل تۋرالى ول سوت بارىسىندا ايتقان ەدٸ. (بٸز جازعانبىز ) كەسٸپكەر سول كەزدەگٸ وبلىس ەكٸمشٸلٸگٸنٸڭ شارۋاشىلىق باسقارماسىن باسقارعان جامبىل بايعونوۆتى سوتقا بەرٸپ, جەڭٸپ شىقتى. سوت ٷكٸمٸمٸمەن, شەنەۋنٸك 5 جىلعا قامالىپ, اينابەكوۆكە 31 ميلليون تەڭگە قايتارۋى تيٸس. سوت ٷكٸمٸنەن كەيٸن نۇركەن اينابەكوۆ بۇل جەڭٸسٸنٸڭ وڭايلىقپەن كەلمەگەنٸن, ونىڭ ارتى قۋدالاۋعا ۇلاسۋى مٷمكٸن ەكەنٸن ايتقان بولاتىن.
مەملەكەتتٸك تەندەردەگٸ بىلىقتاردىڭ بەتٸن اشۋعا بەكٸنگەن كەسٸپكەر, شىنىمەن ٶزٸ سەزگەندەي اشىق قۋدالاۋعا تٷسكەن, دەيدٸ جۇبايى اينۇر اينابەكوۆا. وقو ٸٸد تەرگەۋشٸسٸ التىناي جولىمبەتوۆانىڭ قاراۋىنداعى ٸستە, مەملەكەتتٸك تاپسىرىسپەن جاسالعان قۇرىلىستارداعى قىلمىستارىن دەلەلدەيتٸن قۇجاتتار ٸز-تٷسسٸز جوعالىپ كەتكەن ەكەن. نەتيجەسٸندە جولىمبەتوۆانىڭ ٶزٸ تەرگەلٸپ, كەيٸن ٸس توقتاپ قالدى, دەيدٸ اينۇر اينابەكوۆا.
وبلىس پروكۋراتۋراسىنىڭ الدىندا ٶز-ٶزٸن ٶرتەپ جٸبەرگەن نٷركەن اينابەكوۆكە قاتىستى سول كٷنٸ رەسمي اقپارات تارادى. وندا اينابەكوۆتىڭ ٷستٸنەن قر قك 4 بابى بويىنشا (الاياقتىق, قۇجاتتاردى قولدان جاساۋ, جالا جابۋ, سٶز تاسۋ) ٸس قوزعالعان. ٸس سوتقا جولدانعان, دەلٸنگەن.
— ونىمەن كٷرەسٸپ ەلەك بولعانشا, قاماي سالۋدى وڭاي كٶرگەن شەندٸلەر اقىرى سوتتاپ تىنباق ەدٸ. 12 جەلتوقسان كٷنٸ بٸرٸنشٸ سوت وتىرىسى بولدى. سوت 22-نە قالدىرىلدى. سول كٷنٸ ول ٶزٸن ٶلٸمگە قيدى. ٶيتكەنٸ بيلٸكپەن كٷرەستٸڭ ەدٸل بولمايتىنىنا كٶزٸ جەتتٸ. قۇزىرلى ورگاندار ونىڭ ٸسٸن بٸر-بٸرٸنە ىسىرىپ تاستادى. ٶز قولدارىندا تۇرعان سوڭ, ٸستٸ بٸرەسە جاۋىپ تاستاپ, بٸرەسە نٷركەندٸ قاماپ تاستادى. ول توعىز كٷن قاماۋدا وتىردى. مەملەكەت قارجىسىنىڭ قولدى بولىپ جاتقانىن دەلەلدەمەك بولعان كٷيەۋٸمنٸڭ تٷرمەگە قامالۋى بەرٸنە تيٸمدٸ ەدٸ. وقيعا بولعان كٷنٸ ول تٸپتەن كٷدەرٸن ٷزگەن. بٸر كٷن بۇرىن ٶتكٸزگەن باسپاسٶز-جيىنىندا ساناۋلى تٸلشٸ بولعان. ولاردىڭ ٶزٸ جازعان جوق. 22-نە ول رەسپۋبليكالىق تەلەارنانىڭ تٸلشٸسٸنە بارعان, وعان قىسىم كٶرسەتٸلٸپ, ماتەريالدى شىعارا المايتىنىن ايتىپتى. كەيٸن ماعان حابارلاسىپ, ەلدە ەدٸلدٸكتٸڭ جوقتىعىن ايتىپ, جىلارمان بولدى. قورعاۋشىعا بار دەپ ەم, ماعان نە ادۆوكات نە سوت كٶمەك بەرە المايدى, مەن شارشادىم, – دەدٸ, دەپ ەسٸنە الادى اينۇر اينابەكوۆا.
ايتۋىنشا, تىعىرىققا تٸرەلگەن ازاماتتىڭ ەرەكەتٸنە وسى ازاپ تٷرتكٸ بولعان. اراعا از ۋاقىت سالىپ, بەيتانىس ادام حابارلاسىپ, كٷيەۋٸنٸڭ پروكۋراتۋرا الدىندا ٶزٸن ٶرتەپ جٸبەرگەنٸن حابارلاعان.
— مەن ەشكٸمگە جالا جاپقىم كەلمەيدٸ. بٸراق مەنٸڭ ويىمشا, كٷيەۋٸمنٸڭ ٶزٸنە قول جۇمساۋىنا تٸكەلەي نە جاناما جاۋاپتى دەپ وبلىس ەكٸمٸنٸڭ اپپاراتىنىڭ بۇرىنعى جەتەكشٸسٸ, قازٸرگٸ مەجٸلٸس دەپۋتاتى بايدٸلدە جىلقىشيەۆ, وبلىس ەكٸمٸ اپپاراتى جەتەكشٸسٸنٸڭ ورىنباسارى سەكەن كەنجەباەۆ جەنە ونىڭ كٶمەكشٸسٸ مىرزاحمەت كەرمٸبەكوۆ. مەملەكەتتٸك تاپسىرىستى ۋىسىندا ۇستاعان ازاماتتار. سونداي-اق وقو ٸٸد تەرگەۋشٸلەرٸ التىناي جولىمبەكوۆا, باقىتجان سىدىقوۆ, المات ابيدينوۆ پەن ولاردىڭ باسشىلارىن اتار ەدٸم, دەيدٸ اينۇر اينابەكوۆا.
قازٸر اينابەكوۆتىڭ وتباسىن ٸشكٸ ٸستەر ورگاندارىنىڭ قىزمەتكەرلەرٸ كٷزەتۋدە.
— نٷركەندٸ تىعىرىققا تٸرەگەندەر ەندٸ قاراۋىلداپ جٷر بٸزدٸ. ەر قادامىمىزدى باقىلاپ جٷر. مەن نٷركەنگە كٷزەت قويۋدى ٶتٸنٸپ, ارىز جازۋىم كەرەك ەكەن. بۇل نە مازاعى? ٶمٸرٸ قىل ٷستٸندە تۇرعان كٷيەۋٸمدٸ كٸمنەن قورعاۋ قاجەت بولدى? بيلٸكتەگٸلەردەن بە? وقيعادان كەيٸن بەرٸ دٷرلٸگٸپ كەتتٸ. پوليتسييا تامىز, قىركٷيەك ايلارىنىڭ حاتتارىن جولداپتى. ونى نٷركەن وسى ۋاقىتقا دەيٸن تابانىنان توزىپ, الا الماي جٷرگەن. پروكۋراتۋرا كٶڭٸل بٶلٸپ قالىپتى. سەنبٸ كٷنٸ كەزەكتٸ سوت. وعان كٷيەۋٸمنٸڭ بارارى ەكٸتالاي. مەن ەندٸ ٶزٸم قولعا الامىن. مەن تٸرٸمٸن. كٷيەۋٸم ٷشٸن, ٷش بالام ٷشٸن. ولارعا «الاياقتىڭ بالاسى» دەگەن قارا كٷيە جاعىلماس ٷشٸن, – دەدٸ اينۇر اينابەكوۆا.
ٶلٸممەن كٷرەسٸپ جاتقان كەسٸپكەر 46 جاستاعى نٷركەن اينابەكوۆتىڭ دەنەسٸنٸڭ 60 پايىزىن كٷيٸك شالعان. دەرٸگەرلەر ونىڭ امان قالۋى ەكٸتالاي دەگەندٸ ايتادى. دەگەنمەن, بٷگٸن ول جانساقتاۋ بٶلٸمٸنەن پالاتاعا اۋىستىرىلدى.
اۆتورى ميرا مٷسٸلٸم
دەرەككٶز: kaz.365info.kz
