قوناەۆ قالاسىنىڭ ورتالىق الاڭىندا وتان قورعاۋشى كٷنٸنە ارنالعان سالتاناتتى ٸس-شارا ٶتتٸ. مەرەكەلٸك شارالارعا الماتى وبلىسىنىڭ ەكٸمٸ مارات سۇلتانعازيەۆ, قوناەۆ گارنيزونىنىڭ باستىعى, گۆاردييا پولكوۆنيگٸ بەيبٸت امانقاليەۆ, اۋعان سوعىسىنىڭ ارداگەرلەرٸ, ٶزگە دە ەسكەري قاقتىعىستارعا قاتىسقان ارداگەرلەر, قارۋلى كٷشتەردٸڭ ارداگەرلەرٸ, قوناەۆ گارنيزونىنىڭ ەسكەري قىزمەتشٸلەرٸ, ەسكەري-پاتريوتتىق كلۋبتاردىڭ تەربيەلەنۋشٸلەرٸ مەن قالا تۇرعىندارى قاتىستى, دەپ حابارلايدى Dalanews.kz.
جينالعان قاۋىم ورتالىق الاڭدا ورناتىلعان ەڭسەلٸ ساحناداعى كەڭ ەكراننان استانا قالاسىنداعى ەسكەري پارادتىڭ اشىلۋ سالتاناتىن تاماشالاپ, مەملەكەت باسشىسىنىڭ قۇتتىقتاۋىن تٸكەلەي ەفيردە تىڭدادى. مەملەكەت باسشىسى قازاقستاندىقتاردى مەرەكەمەن قۇتتىقتاپ, ەلدەگٸ بەيبٸتشٸلٸك پەن قاۋٸپسٸزدٸكتٸ قامتاماسىز ەتۋدەگٸ قارۋلى كٷشتەردٸڭ ماڭىزىن اتاپ ٶتتٸ.
ٸس-شارا بارىسىندا الماتى وبلىسىنىڭ ەكٸمٸ مارات سۇلتانعازيەۆ قۇتتىقتاۋ سٶز سٶيلەدٸ. ول پرەزيدەنتتٸڭ تاپسىرماسىمەن ەلٸمٸزدٸڭ قارۋلى كٷشتەرٸندە جٷيەلٸ جاڭعىرتۋ جٷرگٸزٸلٸپ جاتقانىن اتاپ ٶتتٸ: – مەملەكەت باسشىسىنىڭ تاپسىرماسىنا سەيكەس قازاقستان رەسپۋبليكاسىنىڭ قارۋلى كٷشتەرٸ جاڭعىرۋ ٷستٸندە. ولار ۇلتتىق قاۋٸپسٸزدٸكتٸڭ كەپٸلٸنە, قوعامنىڭ تٸرەگٸنە اينالۋدا. بٸزدٸڭ وتان قورعاۋشىلارىمىز تەك شەكارانى كٷزەتٸپ قانا قويماي, ازاماتتىق كەلٸسٸمدٸ نىعايتۋعا جەنە جاستاردى وتانسٷيگٸشتٸككە تەربيەلەۋگە زور ٷلەس قوسىپ كەلەدٸ, – دەدٸ ٶڭٸر باسشىسى.
مەرەكەلٸك شارا اياسىندا ماراپاتتاۋ رەسٸمٸ ٶتتٸ. الماتى وبلىسى ەكٸمٸنٸڭ اتىنان قوناەۆ گارنيزونىنىڭ جەنە ۇلتتىق ۇلاننىڭ جيىرما شاقتى ەسكەري قىزمەتشٸسٸنە العىس حاتتار تابىستالدى. ماراپاتتالعاندار اراسىندا پولكوۆنيك جەڭٸسجان بايجان, پودپولكوۆنيكتەر دانييار مامەنوۆ پەن بەرٸك ەلٸكباەۆ, گۆاردييا مايورى دارحان جەنسٸكباەۆ, مايور نۇرلان وجاروۆ, لەيتەنانت لاۋرا بەكبولاتوۆا جەنە سەرجانت ەلدوس قاربوزوۆ پەن ٶزگە دە قىزمەتكەرلەر بار.
مەرەكەلٸك كٶڭٸل كٷيدٸ شىعارماشىلىق ۇجىمداردىڭ قاتىسۋىمەن ٶتكەن كونتسەرتتٸك باعدارلاما جالعاستىرىپ, ٸس-شاراعا ەرەكشە سەن مەن جىلۋلىق سىيلادى.
وسى كٷنٸ الماتى وبلىسىنىڭ ەكٸمٸ مارات سۇلتانعازيەۆ ۇلى وتان سوعىسىنىڭ ارداگەرلەرٸ تەڭٸربەرگەن تولعانباەۆ پەن فيودور ەمەليانوۆيچ كوۆاليوۆكە ارنايى بارىپ, كەلە جاتقان جەڭٸستٸڭ 80 جىلدىعىمەن قۇتتىقتادى. ٶڭٸر باسشىسى ارداگەرلەرگە مەرەيتويلىق مەدال, 5 ميلليون تەڭگە جەنە قوناەۆ قالاسىنان جاڭا پەتەر كٸلتتەرٸن تابىستادى. وبلىس ەكٸمٸ سوعىس جىلدارىنداعى ەرلٸكتەرٸ ٷشٸن شىنايى العىسىن بٸلدٸرٸپ, ارداگەرلەرگە قامقورلىق كٶرسەتۋ – مەملەكەتتٸك ساياساتتىڭ باسىم باعىتى ەكەنٸن اتاپ ٶتتٸ.
سونىمەن قاتار, №20030 ەسكەري بٶلٸم اۋماعىندا زاماناۋي ەسكەري تەحنيكا كٶرمەسٸ ۇيىمداستىرىلدى. وبلىس ەكٸمٸ بٶلٸمنٸڭ ماتەريالدىق-تەحنيكالىق بازاسىمەن تانىسىپ, جەكە قۇراممەن ەڭگٸمەلەسٸپ, بٶلٸمنٸڭ جابدىقتالۋ دەڭگەيٸنە جوعارى باعا بەردٸ.
قوناەۆ قالاسىندا ٶتكەن وتان قورعاۋشى كٷنٸ بٸرلٸك پەن ەل تىنىشتىعىن كٷزەتكەن جاندارعا دەگەن قۇرمەت رۋحىندا ٶتتٸ. مەرەكەلٸك شارالار ارمييا مەن حالىق اراسىنداعى بايلانىستى نىعايتۋدىڭ – قازاقستاننىڭ ورنىقتى دامۋىنىڭ كەپٸلٸ ەكەنٸن تاعى بٸر مەرتە كٶرسەتتٸ.
