اباي وبلىسىندا جول اپاتىنان قازا تاپقان ەكٸ ٶرت سٶندٸرۋشٸنٸڭ ەرٸپتەستەرٸ كۋرچاتوۆ قالاسىنداعى №9 ٶرت سٶندٸرۋ بٶلٸمٸنٸڭ (پچ-9) قىزمەتٸن ۇيىمداستىرۋ تەرتٸبٸن تەكسەرۋدٸ سۇرادى, دەپ حابارلايدى dalanews.kz.
اباي وبلىسى پوليتسييا دەپارتامەنتٸنٸڭ مەلٸمەتٸنشە, 26 تامىز كٷنٸ ساعات 15:30 شاماسىندا سەمەي – كۋرچاتوۆ تاسجولىنىڭ 35-شاقىرىمىندا Chevrolet Nexia جەنە Kia Rio اۆتوكٶلٸكتەرٸ سوقتىعىسقان.
پوليتسييانىڭ حابارلاۋىنشا, Chevrolet Nexia جٷرگٸزۋشٸسٸ الدىندا كەلە جاتقان «گازەل» كٶلٸگٸن باسىپ وزۋ كەزٸندە قارسى قوزعالىس جولاعىنا شىعىپ كەتكەن. سونىڭ سالدارىنان Kia Rio كٶلٸگٸمەن بەتپە-بەت سوقتىعىسقان. اپات سالدارىنان ەكٸ كٶلٸكتٸڭ جٷرگٸزۋشٸلەرٸ مەن جولاۋشىلارى قازا تاپتى.
قايتىس بولعانداردىڭ اراسىندا كۋرچاتوۆ قالاسىنداعى №9 ٶرت سٶندٸرۋ بٶلٸمٸندە قىزمەت اتقارعان اباي وبلىسى تٶتەنشە جاعدايلار دەپارتامەنتٸنٸڭ قىزمەتكەرلەرٸ ارنۇر ەدكەنوۆ پەن ەرمەك سىدىقوۆ تا بولعان.
ەرٸپتەستەرٸ نە دەيدٸ?
Telegram-داعى HALYQSTAN ارناسىنىڭ مەلٸمەتٸنشە, قايعىلى وقيعادان كەيٸن پچ-9 قىزمەتكەرلەرٸ ەلەۋمەتتٸك جەلٸ ارقىلى قىزمەتتٸ ۇيىمداستىرۋ جاعدايلارىن تەكسەرۋدٸ سۇراپ ٷندەۋ جاساعان. بۇل ٷندەۋدٸ «وسا» قوعامدىق بٸرلەستٸگٸ جارييالاعان.
ٷندەۋدە بٶلٸم قىزمەتكەرلەرٸنٸڭ ەدەۋٸر بٶلٸگٸ سەمەي قالاسىندا تۇراتىنى, ال قىزمەت ورنىنا جەتۋ ٷشٸن شامامەن 130-140 شاقىرىم جول جٷرۋگە مەجبٷر ەكەنٸ ايتىلعان. ولاردىڭ سٶزٸنشە, تامىز ايى بويى جەكە قۇرام بٸرنەشە رەت دابىل بويىنشا كٶتەرٸلٸپ, قىسقا مەرزٸم ٸشٸندە بٶلٸمشەگە جەتۋ تالابى قويىلعان.
سونداي-اق ەرٸپتەستەرٸنٸڭ ايتۋىنشا, 26 تامىز كٷنٸ دە جەكە قۇرام دابىلمەن كٶتەرٸلگەن. ارنۇر ەدكەنوۆ پەن ەرمەك سىدىقوۆ سول كەزدە قىزمەت ورنىنا بارا جاتقان.
پچ-9 بٶلٸمٸندەگٸ جاعدايعا قاتىستى مەلٸمدەمە
ٷندەۋدە پچ-9 بٶلٸمٸندە بٸر جىلدان استام ۋاقىت بويى بٶلٸم باسشىسى مەن ونىڭ ورىنباسارى جوق ەكەنٸ, سونىڭ سالدارىنان قولدانىستاعى قىزمەتكەرلەرگە تٷسەتٸن جٷكتەمە ارتقانى ايتىلعان. «وسا» قوعامدىق بٸرلەستٸگٸ قىزمەتتٸ ۇيىمداستىرۋ تەرتٸبٸ, دابىل بەرۋ جەنە تەكسەرۋ جٷيەسٸ, سونداي-اق قىزمەتكەرلەردٸڭ بٶلٸمشەگە جەتۋ مەرزٸمٸنە قويىلاتىن تالاپتار جان-جاقتى ەرٸ وبەكتيۆتٸ تەكسەرٸلۋٸ قاجەت دەپ ەسەپتەيدٸ.
بٸرلەستٸك ٶكٸلدەرٸنٸڭ پٸكٸرٸنشە, تەكسەرٸس بارىسىندا قىزمەتكەرلەر كٶتەرگەن مەسەلەلەردٸڭ قانشالىقتى نەگٸزدٸ ەكەنٸ انىقتالىپ, ىقتيمال زاڭبۇزۋشىلىقتارعا باعا بەرٸلۋٸ تيٸس.
تجد قىزمەتتٸك تەرگەۋ باستادى
اباي وبلىسى تٶتەنشە جاعدايلار دەپارتامەنتٸ اتالعان وقيعا بويىنشا قىزمەتتٸك تەرگەۋ باستالعانىن حابارلادى. ۆەدومستۆو قازا تاپقان قىزمەتكەرلەردٸڭ وتباسىلارى مەن جاقىندارىنا كٶڭٸل ايتىپ, ولارعا قاجەتتٸ كٶمەك پەن قولداۋ كٶرسەتٸلٸپ جاتقانىن مەلٸمدەدٸ.
تجد مەلٸمەتٸنشە, قىزمەتتٸك تەرگەۋ قورىتىندىسى بويىنشا لاۋازىمدى تۇلعالاردىڭ ەرەكەتتەرٸنە وبەكتيۆتٸ باعا بەرٸلەدٸ.
