قاراپايىم سۋدىڭ ادام اعزاسىنا پايداسىن بارلىق دەرلٸك ادام بٸلەدٸ. الايدا كٷندەلٸكتٸ قاربالاس ٶمٸردە كٶپشٸلٸك ادام شٶلدەۋ سەزٸمٸنە مەن بەرمەيدٸ نەمەسە سۋدىڭ ورنىنا شاي, كوفە, تەتتٸ سۋسىندار ٸشەدٸ. ال كەيبٸرەۋلەرگە قاراپايىم سۋدىڭ دەمٸ ۇناماي, ونى مينەرالدى نەمەسە گازدالعان سۋمەن الماستىرادى. بٸراق كٷندەلٸكتٸ قاجەتتٸ سۋ مٶلشەرٸن ٸشۋ - دۇرىس تاماقتانۋدىڭ ماڭىزدى بٶلٸگٸ ەكەنٸن ۇمىتپاعان جٶن. ەندەشە,ماماندار قاراپايىم سۋدىڭ دەمٸ ۇناماسا, وعان بٸرنەشە تٸلٸم ليمون قوسىپ ٸشۋگە كەڭەس بەرەدٸ. بۇل سۋدىڭ دەمٸن ٶزگەرتەدٸ ەرٸ كٷندەلٸكتٸ جەتكٸلٸكتٸ مٶلشەردە سۇيىقتىق ٸشۋگە كٶمەكتەسەدٸ, دەپ حابارلايدى Dalanews.kz.
ليمون قوسىلعان سۋدىڭ ادام اعزاسىنا پايداسى
اس قورىتۋدى جاقسارتادى
تاماقتان 30 مينۋت بۇرىن بٸر ستاقان سۋعا بٸر شاي قاسىق ليمون شىرىنىن قوسىپ ٸشۋ اسقازان سٶلٸنٸڭ بٶلٸنۋٸن ىنتالاندىرادى. بۇل تاعامنىڭ دۇرىس قورىتىلىپ, سٸڭۋٸنە جەنە اس قورىتۋ فەرمەنتتەرٸنٸڭ تٷزٸلۋٸنە كٶمەكتەسەدٸ.
يممۋنيتەتتٸ نىعايتادى
ليمون قۇرامىندا اعزاعا ۆيرۋستار مەن قابىنۋعا قارسى كٷرەستە كٶمەكتەسەتٸن س دەرۋمەنٸ كٶپ. ول يممۋنيتەتتٸ كٷشەيتەدٸ, سٷيەكتەردٸڭ قالىپتاسۋىنا, جارانىڭ جازىلۋىنا, تەرٸ مەن جاسۋشا جاعدايىنىڭ جاقسارۋىنا ەسەر ەتەدٸ.
حولەستەرين دەڭگەيٸن تٶمەندەتەدٸ
ليمون قوسىلعان سۋ قان تامىرلارىنىڭ قابىرعالارىن زيياندى حولەستەريننەن تازارتۋعا كٶمەكتەسەدٸ. بۇل جٷرەك تالماسىنىڭ, ينسۋلت پەن اتەروسكلەروزدىڭ الدىن الادى جەنە قان تامىرلارىنىڭ سەرپٸندٸلٸگٸن ارتتىرادى.
قارتايۋدى باياۋلاتادى
تسيترۋس قۇرامىنداعى انتيوكسيدانتتار اعزاداعى بوس راديكالدارمەن كٷرەسەدٸ. ولار جاسۋشالاردى زاقىمداپ, تەرٸنٸڭ ەرتە قارتايۋىنا سەبەپ بولادى. انتيوكسيدانتتاردىڭ جەتكٸلٸكسٸزدٸگٸ كەزٸندە تەرٸ بوزارىپ, قۇرعاپ, ەجٸمدەر ايقىندالا باستايدى. مۇنى ليمون قوسىلعان سۋ ٸشۋ ارقىلى الدىن الۋعا بولادى.
قانداعى قانتتى تۇراقتاندىرادى
ليمون سۋى حولەستەريندٸ ازايتىپ قانا قويماي, قانداعى قانت دەڭگەيٸن دە رەتتەيدٸ. بۇل 2-تيپتەگٸ قانت ديابەتٸ مەن سەمٸزدٸكتٸڭ الدىن الۋعا كٶمەكتەسەدٸ.
ٶكپە قاتەرلٸ ٸسٸگٸنٸڭ الدىن الۋعا ىقپال ەتەدٸ
ليمون قۇرامىندا بيولوگييالىق بەلسەندٸ زاتتار — بيوفلاۆونويدتار بار (زەاكسانتين, الفا جەنە بەتا-كاروتين, ليۋتەين, كريپتوكسانتين). ولار ٶكپە وبىرىنىڭ پايدا بولۋ قاۋپٸن تٶمەندەتەدٸ.
تەتتٸگە دەگەن تەبەتتٸ تٷسٸرەدٸ
ليمون سۋى قانداعى قانت دەڭگەيٸن تۇراقتاندىرىپ, تەتتٸ, مايلى جەنە قۋىرىلعان تاعامدارعا دەگەن قۇمارلىقتى ازايتادى. سەبەبٸ قانداعى گليۋكوزا كٷرت كٶتەرٸلگەندە اعزا ارتىق كالورييانى تەز الۋعا تىرىسادى. ال بۇل ارتىق سالماق, ديابەت, تەرٸ پروبلەمالارى جەنە زات الماسۋ بۇزىلىستارىنا ەكەلۋٸ مٷمكٸن.
سەرگٸتەدٸ
تاڭەرتەڭ ليمون سۋىن ٸشۋ اعزانى وياتىپ, اسقازان جۇمىسىن بەلسەندٸرەدٸ. بۇل ميعا «تاڭعى اس ٸشەتٸن ۋاقىت جاقىندادى» دەگەن بەلگٸ بەرەدٸ. سول سەبەپتٸ ليمون قوسىلعان سۋ كەيدە كوفەدەن دە جاقسى سەرگٸتەدٸ جەنە كٶڭٸل كٷيدٸ كٶتەرەدٸ.
كٸمدەرگە ليمون قوسىلعان سۋ ٸشۋگە بولمايدى?
تازا ليمون شىرىنىن, تٸپتٸ, دەنٸ ساۋ ادامداردىڭ ٶزٸنە ٸشۋگە بولمايدى. ٶيتكەنٸ ول اۋىز قۋىسىنىڭ, ٶڭەش پەن اسقازاننىڭ شىرىشتى قابىعىن تٸتٸركەندٸرٸپ, زاقىمداۋى مٷمكٸن.
كەز كەلگەن ٶنٸمگە سەكٸلدٸ ليمون قوسىلعان سۋعا دا قارسىكٶرسەتٸلٸم بار. ليمون شىرىنىندا قىشقىل كٶپ بولعاندىقتان, ول اسقازان-ٸشەك جولدارى اۋرۋلارى بار ادامدارعا قاۋٸپتٸ.
ليمون شىرىنىن اسقازان نەمەسە اش ٸشەك جاراسى, جوعارى قىشقىلدى گاستريت, كوليت, پانكرەاتيت كەزٸندە ٸشۋگە قاتاڭ تىيىم سالىنادى.
سونىمەن قاتار تازا ليمون شىرىنى تٸس ەمالٸن زاقىمدايدى,سوندىقتان ليمون قوسىلعان سۋ ٸشكەننەن كەيٸن دە اۋىزدى تازا سۋمەن شايىپ الۋ قاجەت.
تاعى بٸر ماڭىزدى جايت — ليمون كٷشتٸ اللەرگەن. سوندىقتان ونى نەمەسە ونىڭ شىرىنىن شامادان تىس قولدانۋ اللەرگييالىق رەاكتسييا تۋدىرۋى مٷمكٸن.
ەسكەرتۋ: بۇل ماتەريال اقپاراتتىق سيپاتتا بەرٸلگەن. ٶزدٸگٸنەن ەمدەلۋ قاۋٸپتٸ. دەنساۋلىعىڭىزعا قاتىستى كەز كەلگەن ٶزگەرٸستٸ نەمەسە جاڭا ٶنٸمدٸ راتسيونعا ەنگٸزبەس بۇرىن دەرٸگەرمەن, ديەتولوگپەن نەمەسە باسقا دا مەديتسينالىق مامانمەن كەڭەسٸڭٸز.
