بۇۇ ەسىرتكى جانە قىلمىس جونىندەگى باسقارماسى (UNODC) مەن “بۇۇ-ايەلدەر” ۇيىمىنىڭ جاڭا ەسەبىندە بىلتىر الەمدە 83 مىڭ ايەل مەن قىز بالالاردىڭ قاساقانا قازا تاپقانى بەلگىلى بولدى، دەپ حابارلايدى Dalanews.kz.
ونىڭ 60 پايىزى، ياعني 50 مىڭنان استامى، وزدەرىنىڭ سەرىكتەستەرى نەمەسە تۋىستارى تاراپىنان مەرت بولعان. بۇل – الەمدە ءار كۇنى 137 ايەل مەن قىزدىڭ ءۇي ىشىندەگى زورلىق-زومبىلىقتان كوز جۇماتىنىن كورسەتەدى.
سالىستىرمالى تۇردە العاندا، ەرلەرگە قاتىستى ادام ءولتىرۋ قىلمىستارىنىڭ تەك 11 پايىزى عانا وتباسىندا جاسالعان.
بۇۇ ەقبب باسشىسى مىندەتىن اتقارۋشى دجون براندولينو ايەلدەر ءۇشىن ءۇيدىڭ ءالى دە "ءقاۋىپتى، ءتىپتى كەي جاعدايدا ولىمگە اكەلەتىن ورىن" بولىپ وتىرعانىن اتاپ ءوتىپ، فەميسيدتىڭ الدىن الۋ شارالارىن كۇشەيتۋگە شاقىردى.
ەسەپتە كورسەتىلگەندەي، مۇنداي قىلمىستاردىڭ ەڭ جوعارى دەڭگەيى افريكادا تىركەلگەن.
