BUU Esirtki jáne qylmys jónindegi basqarmasy (UNODC) men “BUU-Áielder” uiymynyń jańa esebinde byltyr álemde 83 myń áiel men qyz balalardyń qasaqana qaza tapqany belgili boldy, dep habarlaidy Dalanews.kz.
Onyń 60 paiyzy, iaǵni 50 myńnan astamy, ózderiniń seriktesteri nemese týystary tarapynan mert bolǵan. Bul – álemde ár kúni 137 áiel men qyzdyń úi ishindegi zorlyq-zombylyqtan kóz jumatynyn kórsetedi.
Salystyrmaly túrde alǵanda, erlerge qatysty adam óltirý qylmystarynyń tek 11 paiyzy ǵana otbasynda jasalǵan.
BUU EQBB basshysy mindetin atqarýshy Djon Brandolino áielder úshin úidiń áli de "qaýipti, tipti kei jaǵdaida ólimge ákeletin oryn" bolyp otyrǵanyn atap ótip, femitsidtiń aldyn alý sharalaryn kúsheitýge shaqyrdy.
Esepte kórsetilgendei, mundai qylmystardyń eń joǵary deńgeii Afrikada tirkelgen.
