"كروكۋس سيتي حولل" عيماراتىنا شابۋىل جاساعان تەرروريستەر 500 مىڭ رۋبل الۋى كەرەك بولعان، - دەپ حابارلايدى Dalanews.kz رەسەيلىك باق-تارعا سىلتەپ.
بۇعان دەيىن كۇدىكتىلەردىڭ ءبىرى شامسيدين فاريدۋني قاماۋعا الىنعاننان كەيىن كۇدىكتى لاىكەستەر بىردەن جاۋاپ الىنعان. ول 500 مىڭ رۋبل (2،4 ميلليون تەڭگە) كولەمىندە الىم تولەنگەنىن ايتقان.
كوبى ءارقايسىنا 500 مىڭ رۋبل تولەنگەن دەپ ونىڭ ءسوزىن قاتە تۇسىنگەن.
"يزۆەستيا" باسىلىمىنىڭ "كروكۋس سيتي حولل" عيماراتىنا جاسالعان شابۋىلعا قاتىسقان ەكى تەرروريست تۇركياعا بارعان كەزدە نۇسقاۋ العان بولۋى مۇمكىن ەكەنىن جازعان. تەراكتىنىڭ قالعان قاتىسۋشىلارى تابىلىپ، رەسەي اۋماعىندا قىلمىسقا قاتىسى بارى ايتىلدى.
"بۇل كلاسسيكالىق ماعىنادا تەرروريستەردىڭ، فاناتتاردىڭ قاراۋسىز قالعان ۇياسى ەمەس ەدى، كەرىسىنشە، ولار 2-3 اپتانىڭ ىشىندە بۇل فاناتتارعا اينالدى. بارلىعىن قاشىقتان باسقارۋعا بولادى. بۇل كەزدەيسوق تاڭدالعان "اقىلدى جانە سىني ويلاۋ دەڭگەيى وتە تومەن ورىنداۋشىلار. بۇل جۇمىسقا الۋدىڭ جانە پسيحولوگيالىق قىسىمنىڭ الۋان ادىستەرىن جەتىك مەڭگەرگەن ولاردىڭ كۋراتورلارىنا تاكسي جۇرگىزۋشىلەرى مەن شاشتارازداردى تەرروريست ەتۋگە مۇمكىندىك بەردى"، - دەپ ءتۇسىندىردى "يزۆەستيا" گازەتىنە تەرروريزمگە قارسى قاۋىپسىزدىك سالاسىنداعى مامان.
ايتا كەتەيىك، 23 ناۋرىزعا قاراعان كەشتە ماسكەۋدەگى "كروكۋس سيتي حولل" كونسەرت زالىندا تەراكت بولدى. قارۋلانعان بىرنەشە ادام كونسەرت زالىنا باسىپ كىرىپ، ىشىندە جۇرگەن ادامدارعا وق جاۋدىرا باستاعان. سول كۇنى عيماراتتا 6200-گە جۋىق ادام بولعان. سوڭعى مالىمەتتەر بويىنشا، 133 ادام قازا تاۋىپ، تاعى 140 ادام جارالانعان.
