"Krokýs Sıtı Hol" ǵımaratyna shabýyl jasaǵan terrorıster 500 myń rúbl alýy kerek bolǵan, - dep habarlaıdy Dalanews.kz reseılik BAQ-tarǵa siltep. 

Buǵan deıin kúdiktilerdiń biri Shamsıdın Farıdýnı qamaýǵa alynǵannan keıin kúdikti laikester birden jaýap alynǵan. Ol 500 myń rúbl (2,4 mıllıon teńge) kóleminde alym tólengenin aıtqan.

Kóbi árqaısyna 500 myń rúbl tólengen dep onyń sózin qate túsingen. 

"Izvestıa" basylymynyń "Krokýs Sıtı Hol" ǵımaratyna jasalǵan shabýylǵa qatysqan eki terrorıst Túrkıaǵa barǵan kezde nusqaý alǵan bolýy múmkin ekenin jazǵan. Teraktiniń qalǵan qatysýshylary tabylyp, Reseı aýmaǵynda qylmysqa qatysy bary aıtyldy.

"Bul klasıkalyq maǵynada terrorısterdiń, fanattardyń qaraýsyz qalǵan uıasy emes edi, kerisinshe, olar 2-3 aptanyń ishinde bul fanattarǵa aınaldy. Barlyǵyn qashyqtan basqarýǵa bolady. Bul kezdeısoq tańdalǵan "aqyldy jáne synı oılaý deńgeıi óte tómen oryndaýshylar. Bul jumysqa alýdyń jáne psıhologıalyq qysymnyń alýan ádisterin jetik meńgergen olardyń kýratorlaryna taksı júrgizýshileri men shashtarazdardy terrorıst etýge múmkindik berdi", - dep túsindirdi "Izvestıa" gazetine terorızmge qarsy qaýipsizdik salasyndaǵy maman.

Aıta keteıik, 23 naýryzǵa qaraǵan keshte Máskeýdegi "Krokýs Sıtı Hol" konsert zalynda terakt boldy. Qarýlanǵan birneshe adam konsert zalyna basyp kirip, ishinde júrgen adamdarǵa oq jaýdyra bastaǵan. Sol kúni ǵımaratta 6200-ge jýyq adam bolǵan. Sońǵy málimetter boıynsha, 133 adam qaza taýyp, taǵy 140 adam jaralanǵan.