كرەمل كەشٸرٸم سۇراعان جوق. رف مەملەكەتتٸك دۋماسى نيكونوۆتىڭ سٶزٸنە تٷسٸنٸكتەمە بەردٸ
مۇنداي پٸكٸردٸ دۋما كوميتەتٸ تمد ٸستەرٸ, ەۋرازييالىق ينتەگراتسييا جەنە وتانداستارمەن بايلانىس جٶنٸندەگٸ كوميتەت تٶراعاسىنىڭ بٸرٸنشٸ ورىنباسارى ۆيكتور ۆودولاتسكيي ايتتى, دەپ حابارلايدى Dalanews.kz تاسس-قا سٸلتەمە جاساپ.
رەسەي فەدەراتسيياسى قازاقستان رەسپۋبليكاسىنىڭ ەگەمەندٸگٸن بەلگٸلەنگەن شەكارالاردا تانيدى. ەڭ باستىسى, بٸز ٷشٸن قازاقستان كٶپتەگەن كەلٸسٸمدەرگە, كەلٸسٸمشارتتارعا قول قويعان دوس مەملەكەت بولىپ تابىلادى, - دەپ اتاپ ٶتتٸ ول.
ۆودولاتسكيي قازاقستاننىڭ ۇجىمدىق قاۋٸپسٸزدٸك شارتى ۇيىمى, ەۋرازييالىق ەكونوميكالىق وداق اياسىنداعى بٸرلەسكەن باعدارلامالارعا قاتىساتىنىن ەسكە سالدى.
"(قازاقستان) - تمد اياسىنداعى بٸزدٸڭ ەڭ بەلسەندٸ سەرٸكتەسٸمٸز", - دەدٸ ول.
- سوندىقتان, بۇل جانجال شەشٸلەدٸ دەپ ويلايمىن, ال ساياساتتانۋشىلارمەن پٸكٸرتالاس كەزٸندە بولعان وقيعانى (نيكونوۆتىڭ قاتىسۋىمەن) سان-ساققا جٷگٸرتٸپ, ەرتٷرلٸ تالقىلاۋعا بولادى, - دەپ جالعاستىردى ٶز ويىن رەسەيلٸك دەپۋتات.
ول "تاريحي مەسەلەلەردٸ تالقىلاۋدا ايتقان سٶزٸنەن ۆياچەسلاۆ الەكسەەۆيچ [نيكونوۆ] قانداي دا بٸر سالدار تۋۋى مٷمكٸن دەپ ويلاماعان" دەگەندٸ دە ايتتى.
- مەنٸڭشە, وقيعا رەتتەلٸپ, تٷسٸنبەستٸكتەر جويىلادى, - دەپ سٶزٸن تٷيٸندەدٸ ول.
بۇعان دەيٸن قر سىرتقى ٸستەر مينيسترلٸگٸ رەسەي فەدەراتسيياسىنا نيكونوۆتىڭ مەلٸمدەمەلەرٸنە بايلانىستى نوتا تاپسىرعان بولاتىن. مينيسترلٸكتٸڭ باسپاسٶز قىزمەتٸنٸڭ حابارلاۋىنشا, قر سىرتقى ٸستەر مينيسترٸنٸڭ ورىنباسارى مارات سىزدىقوۆ رەسەي فەدەراتسيياسىنىڭ ۋاقىتشا سەنٸمدٸ ٶكٸلٸ الەكساندر كوماروۆپەن كەزدەسۋ كەزٸندە "رەسەي فەدەراتسيياسى مەملەكەتتٸك دۋماسى بٸلٸم جەنە عىلىم كوميتەتٸنٸڭ تٶراعاسى ۆياچەسلاۆ نيكونوۆتىڭ "قازاقستان تەرريتوريياسى - رەسەيدٸڭ [جەنە كەڭەس وداعىنىڭ] كەرەمەت سىيى" دەپ, بٸرٸنشٸ تەلەارنادا ايتقان مەلٸمدەمەسٸنە قاتىستى ٶز نارازىلىعىن بٸلدٸردٸ. قازاقستاننىڭ سىرتقى ٸستەر مينيسترلٸگٸ كەيبٸر رەسەيلٸك ساياساتكەرلەردٸڭ قازاقستانعا قارسى جيٸ-جيٸ ارانداتۋشىلىق سيپاتتاعى اقپاراتتىق شابۋىلدارى مەملەكەتتەر اراسىنداعى وداقتاستىق قاتىناستارعا ٷلكەن زييان كەلتٸرٸپ وتىرعانىن اتاپ ٶتتٸ.
نيكونوۆتىڭ ٶزٸ سەنبٸ كٷنٸ Telegram-ارناسىندا "قازاقستان رەسپۋبليكاسىنىڭ شەكاراسىنا اينالعان قازاق كسر-نٸڭ شەكارالارىن انىقتاۋدا قازاقستاننىڭ مٷددەلەرٸ تولىعىمەن ساقتالدى" دەپ جازدى جەنە ول "بولشايا يگرا" باعدارلاماسىندا تۋرا وسىنى ايتقانىن جەتكٸزدٸ. ول, سونداي-اق "باۋىرلاس قازاقستان حالقىنا دەگەن جىلى ٸلتيپاتىن" بٸلدٸردٸ.
