قازاقستاندا مۇناي ٶندٸرۋ كٶلەمٸ كاسپيي قۇبىر كونسورتسيۋمىنىڭ (كقك) جۇمىسىن ۋاقىتشا توقتاتۋىنا بايلانىستى كٷرت تٶمەندەدٸ. Reuters اگەنتتٸگٸنٸڭ مەلٸمەتٸنشە, 22 شٸلدەدە ەلدەگٸ مۇناي مەن گاز كوندەنساتىن ٶندٸرۋ كٶلەمٸ تەۋلٸگٸنە 21,3%-عا ازايعان, دەپ حابارلايدى dalanews.kz.
اگەنتتٸك سالالىق ەكٸ دەرەككٶزگە سٸلتەمە جاساپ, تەۋلٸكتٸك ٶندٸرٸس كٶلەمٸ 215,6 مىڭ تونناعا (شامامەن 1,63 ملن باررەل) دەيٸن تٶمەندەگەنٸن حابارلادى. ال شٸلدە ايىنىڭ باسىنان بەرگٸ ورتاشا كٶرسەتكٸش 274 مىڭ توننا نەمەسە 2,07 ملن باررەلدٸ قۇراعان.
ەڭ ٷلكەن تٶمەندەۋ تەڭٸز كەن ورنىندا تٸركەلگەن. Reuters دەرەككٶزٸنە سەيكەس, مۇندا تەۋلٸكتٸك مۇناي ٶندٸرۋ كٶلەمٸ 925 مىڭ باررەلدەن 406 مىڭ باررەلگە دەيٸن قىسقارعان. ماتەريال جارييالانعان سەتتە قازاقستاننىڭ ەنەرگەتيكا مينيسترلٸگٸ مەن «تەڭٸزشەۆرويل» كومپانيياسى جاعدايعا قاتىستى پٸكٸر بٸلدٸرمەگەن.
كقك ارقىلى قازاقستان ەكسپورتتايتىن مۇنايدىڭ 80%-دان استامى تاسىمالدانادى. بۇل قۇبىرمەن تەڭٸز, قاشاعان جەنە قاراشىعاناق كەن ورىندارىنىڭ مۇنايى جەتكٸزٸلەدٸ. سوندىقتان قۇبىر جۇمىسىنىڭ كەز كەلگەن ٷزٸلٸسٸ ەلدەگٸ مۇناي ٶندٸرۋ كٶلەمٸنە بٸردەن ەسەر ەتەدٸ.
Reuters دەرەكتەرٸنە سٷيەنسەك, تەۋلٸكتٸك ٶندٸرٸس شامامەن 440 مىڭ باررەلگە ازايعان. Brent ماركالى مۇناي باعاسى بٸر باررەلٸنە 69–70 دوللار شاماسىندا بولعانىن ەسكەرسەك, قازاقستان بٸر كٷننٸڭ ٶزٸندە شامامەن 30–31 ملن دوللار كٶلەمٸندەگٸ ەكسپورتتىق تٷسٸمنەن قاعىلعان.
بۇل مەملەكەت بيۋدجەتٸنٸڭ تٸكەلەي شىعىنى بولماسا دا, كتك جۇمىسىنىڭ ۇزاققا سوزىلعان توقتاۋى سالدارىنان بيۋدجەتكە تٷسەتٸن سالىقتار, ەكسپورتتىق باجدار جەنە مۇناي سەكتورىنان تٷسەتٸن ٶزگە دە كٸرٸستەر ازايۋى مٷمكٸن.
