قاسىم-جومارت توقاەۆ ۇلتتىق قۇرىلتايدا جەدەل جەردەم جەنە قوعامدىق كٶلٸك جٷرگٸزۋشٸلەرٸنە شابۋىل جاساعاندار تۋرالى ايتتى, - دەپ حابارلايدى Dalanews.kz.
"تۇرمىستىق زورلىق-زومبىلىق, بۋللينگ پەن اگرەسسييا دا قازٸرگٸ ۋاقىتتاعى قاتەرلٸ ٷردٸس. اشىعىن ايتساق, قوعامدا قاتٸگەزدٸك كٷشەيٸپ بارادى. بٸرەۋگە تٸل تيگٸزٸپ, ار-نامىسىن تاپتاپ, تٸپتٸ, ۇرىپ-سوعۋعا دايىن تۇراتىندار از ەمەس.
جەدەل جەردەم جەنە قوعامدىق كٶلٸك جٷرگٸزۋشٸلەرٸنە شابۋىل جاسالعانىن بٸلەسٸزدەر. ادامعا ەلٸمجەتتٸك كٶرسەتۋ, قورلاۋ دۇرىس ەمەس. مۇنداي تەرٸس ەرەكەتتەرگە كٶز جۇما قاراۋعا بولمايدى. "اۋرۋىن جاسىرعان ٶلەدٸ". سوندىقتان بٸز وسى قوعامدىق دەرتتٸ جاسىرماي, اشىق ايتۋىمىز كەرەك.
ازاماتتارىمىز ٷيدە دە, تٷزدە دە ٶزٸن قاۋٸپسٸز سەزٸنۋگە تيٸس. بٸر سٶزبەن, قاۋٸپسٸز ورتادا ٶمٸر سٷرۋٸ كەرەك. زاڭ مەن تەرتٸپ قاتاڭ ساقتالۋعا تيٸس, ياعني قوعامدا زاڭ ٷستەمدٸگٸ بولۋى قاجەت. ەڭ باستىسى, بٸز مەيٸرٸمدٸ ەرٸ مەدەنيەتتٸ ۇرپاق تەربيەلەۋٸمٸز كەرەك.
تاعى بٸر كەسەل, بۇل – ۆانداليزم. ٶكٸنٸشكە قاراي, قوعامدىق مٷلٸكتەن باستاپ, مىڭجىلدىق مەدەني مۇرالارعا دەيٸن – بەرٸن جاپپاي بٷلدٸرۋ كەيٸنگٸ كەزدە ەدەتكە اينالعان. بۋرابايداعى جۇمباقتاستى, باياناۋىلداعى كەمپٸرتاستى قاراڭىزدار. ەڭ جاۋھار جەرلەرٸمٸزدٸڭ سۇلۋلىعى شيمايدىڭ استىندا قالىپ جاتىر. ٷيدەگٸ ليفتٸنٸ, اۋلاداعى ويىن الاڭىن, كٶشەدەگٸ ايالدامانى قيراتۋدىڭ قانداي قيسىنى بار?! مۇنىڭ بەرٸ – بارىپ تۇرعان تەرتٸپسٸزدٸك, مەدەنيەتسٸزدٸك.
ٶركەنيەتتٸ ەلدٸڭ ەربٸر ازاماتى قوعام مٷلكٸن ٶز مٷلكٸندەي قورعاۋى كەرەك. دٷنيە جٷزٸندە, ناقتى ايتقاندا, جاپونييادا, وڭتٷستٸك كورەيادا, قىتايدا, سينگاپۋردا جاعىمدى مىسالدار كٶپ, وسى ەلدەر كٶپكە ٷلگٸ بولىپ وتىر. ال بٸز نەگە ولاردان كەم بولۋىمىز كەرەك?" - دەدٸ ول.
