دەپۋتات-كوممۋنيست مەملەكەت قوعام بەلسەندىسىنىڭ قاۋىپسىزدىگىن قامتاماسىز ەتە المادى دەپ سانايدى.
"پوليسيا باقىلاۋعا العان ادام مەملەكەتتىڭ قورعاۋىندا بولۋى ءتيىس.
ازاماتتى قاماۋعا الۋ ونىڭ قاۋىپسىزدىگىنە جاۋاپ بەرۋ دەگەن ءسوز. ونىڭ ءومىرى مەن دەنساۋلىعىنا قاۋىپ-قاتەر تونبەۋىنە ءبىرىنشى كەزەكتە مەملەكەت مۇددەلى بولۋى كەرەك.
مەملەكەت ءاعادىلدىڭ قاۋىپسىزدىگىن قامتاماسىز ەتە المادى. ايتكەنمەن ماسەلەنىڭ ءمان-جايىن انىقتاۋ قاجەت. ءوز باسىم (ءاعادىلدى رەد.) تانىمايمىن. كىم ەكەنىن، قايدان شىققانىن بىلمەيمىن...
بالكىم اجالى كەلگەن شىعار. سىرقاتقا شالدىققان بولار. ءبىراق بۇل ءوز ازاماتىنىڭ قاۋىپسىزدىگىن قامتاماسىز ەتە الماعان مەملەكەتتىڭ جاۋاپكەرشىلىك جۇگىن جەڭىلدەتپەيدى "، – دەدى "ازاتتىق" ءتىلشىسىنىڭ ساۋالىنا جاۋاپ بەرگەن ۆلاديسلاۆ كوساريەۆ.
ايتا كەتەلىك بۇعان دەيىن نۇر-سۇلتاندا تەرگەۋ يزولياتورىندا قوعام بەلسەندىسى دۋلات ءاعادىل قايتىس بولعانى حابارلانعان ەدى.
سوت ساراپتاماسى قورىتىندىسى ونىڭ ۇستالعان كەزدە ماس كۇيدە بولعانىن كورسەتتى.
“ساعات تاڭعى التىلاردا تۇرعاننان كەيىن تاماق ىشكەن سوڭ دارەتحاناعا كەتەدى، ودان شىعىسىمەن تىزەرلەپ وتىرىپ قۇلاپ قالعان. كامەراداعىلار ءاعادىلدىڭ دەنساۋلىعى ناشارلاعانىن باقىلاۋشىعا حابارلايدى. ول العاشقى كومەك كورسەتۋگە تىرىسىپ، مەديسينالىق جاردەم شاقىرعان. كەلگەن جەدەل جاردەم قىزمەتى ءاعادىلدىڭ كوز جۇمعانىن تىركەيدى. دەنەسىن قاراۋ كەزىندە زورلىق-زومبىلىق ارەكەتتەرى انىقتالمادى”، – دەدى ىشكى ىستەر مينيسترلىگىنىڭ وكىلى.
پوليسەيلەردىڭ مالىمەتىنشە، ءوىلمنىڭ الدىن الا سەبەبى – جۇرەك-قان تامىر جەتكىلىكسىزدىگى. دەنەسىندە ەشقانداي جاراقات بولماعان. سوتقا دەيىنگى تەرگەۋ باستالدى.
