مينيسترلٸكتٸڭ سەرسەنبٸ كٷنٸ تاڭەرتەڭ جارييالاعان دەرەگٸنشە, 30 ماۋسىمدا ەلدە 1604 ادامنان كوروناۆيرۋس انىقتالعان. بٸر تەۋلٸكتە 550 ادام دەرتتەن جازىلعان. ٶتكەن تەۋلٸكتە قانشا ادام قايتىس بولعانى تۋرالى ەلٸ رەسمي اقپارات جوق. ۆيرۋس جۇقتىرعانداردىڭ جالپى سانى – 41055 ادام.
بيلٸك ۆيرۋس جۇقتىرعانداردى ۆيرۋس بەلگٸسٸنٸڭ بار-جوعىنا قاراي «اۋىرعاندار» جەنە «تاسىمالداۋشىلار» دەپ ەكٸ بٶلەۋ ساناۋدى 3 ماۋسىمدا باستاعان ەدٸ. بٸراق COVID-19 جۇقتىرعانداردىڭ نەگٸزگٸ ستاتيستيكاسىنا تەك «اۋىرعانداردى» قوسىپ وتىردى. ۆيرۋستىڭ ەلەم بويىنشا تاراۋىن زەرتتەپ وتىرعان ۇيىمدار مەن ينستيتۋتتار قازاقستاننىڭ رەسمي دەرەگٸنە سٷيەنٸپ, «اۋىرعانداردىڭ» سانىن ۆيرۋس جۇقتىرعانداردىڭ جالپى سانى رەتٸندە كٶرسەتٸپ وتىردى.
كەي ساراپشىلار «قازاقستان بيلٸگٸ مۇنى كوروناۆيرۋستىڭ تاراۋىن جاعىمدى ەتٸپ كٶرسەتۋ ٷشٸن جاساپ وتىر» دەگەن پٸكٸر ايتتى.
قر دەنساۋلىق ساقتاۋ مينيسترلٸگٸ اۋرۋ بەلگٸسٸ بارلار مەن جوقتاردى بٶلەك ساناۋ «حالىقارالىق تەجٸريبە» دەگەن بولاتىن. ازاتتىق مينيسترلٸكتەن ونداي تەجٸريبە قاي ەلدەردە قولدانىلاتىنىن سۇرادى. مينيسترلٸك اتىنان تٷسٸنٸكتەمە بەرگەن قازاقستاننىڭ باس ينفەكتسيونيسٸ ديناگٷل باەشەۆا «سيمپتومى جوقتاردى ستاتيستيكاعا قوسپاۋ ەلەمنٸڭ كٶپ ەلٸندە, سونىڭ ٸشٸندە شۆەتسييا, بەلارۋس, يتالييادا بار» دەگەن ەدٸ. ازاتتىق حابارلاسقان شۆەتسييا مەن يتالييانىڭ دەنساۋلىق ساقتاۋ مينيسترلٸكتەرٸ ەكٸ ەلدە دە ۆيرۋس جۇقتىرعانداردى سيمپتومى بار-جوق دەپ بٶلمەي بٸرگە ەسەپتەيتٸنٸن مەلٸمدەدٸ.
ال بەلارۋس دەنساۋلىق ساقتاۋ مينيسترلٸگٸنەن باەشەۆانىڭ ايتقانىنا قاتىستى قانداي دا بٸر پٸكٸر الۋ مٷمكٸن بولمادى. كەيبٸر ساراپشىلار كوروناۆيرۋسقا بايلانىستى كارانتين جارييالاماعان, شەكاراسىن جاپپاعان بەلارۋستەگٸ كوروناۆيرۋس جۇقتىرعاندار مەن قايتىس بولعاندار سانىنا قاتىستى كٶپ كٷدٸك كەلتٸرەدٸ.
قازاقستان دەنساۋلىق ساقتاۋ مينيسترلٸگٸنٸڭ بٷگٸنگٸ دەرەگٸنشە, 30 ماۋسىم كٷنٸ ەلدە 1604 ادامنان كوروناۆيرۋس انىقتالدى. بٸر تەۋلٸكتە 550 ادام جازىلىپ شىقتى. قايتىس بولعانداردىڭ سانى ەلٸ ايتىلمادى. ۆيرۋس جۇقتىرعانداردىڭ جالپى سانى – 41 055.
ەلەم ەلدەرٸن ۆيرۋس جۇقتىرعان ادامداردىڭ سانىنا قاراي نٶمٸرلەپ وتىرعان worldometers.info سايتى قازاقستان دەرەگٸن ەلٸ جاڭارتپادى. قازٸرگٸ دەرەك قازاقستاننىڭ وسىعان دەيٸنگٸ ەدٸسٸ بويىنشا سانالعان ستاتيستيكانى كٶرسەتٸپ تۇر. ول بويىنشا قازاقستان ەلەم ەلدەرٸ اراسىندا 51-ورىندا, ال جاڭا مەلٸمەتكە سٷيەنسەك – 37-ورىندا تۇر.
18 ماۋسىمدا قازاقستان دەنساۋلىق ساقتاۋ مينيسترٸنٸڭ ورىنباسارى لەززات اقتاەۆا كوروناۆيرۋستان قايتىس بولعاندار تٸزٸمٸنە كٸرمەگەن 54 ٶلٸم تٸركەلگەنٸن ايتقان. شەنەۋنٸك بۇل ناۋقاستار كوروناۆيرۋس جۇقتىرعانمەن «ينفاركت, ينسۋلت, ونكولوگييالىق اۋرۋلار سەكٸلدٸ ٶزگە نەگٸزگٸ دەرتتەردەن قايتىس بولعان» دەپ تٷسٸندٸرگەن. ال دٷنيەجٷزٸلٸك دەنساۋلىق ساقتاۋ ۇيىمى ەلەم ەلدەرٸنە قايتىس بولعان ادامداردان (جازاتايىم وقيعادان جەنە ينفاركتەن قايتقانداردان باسقاسىن) كوروناۆيرۋس انىقتالعان جاعدايدا ولاردى رەسمي ستاتيستيكاعا قوسۋدى ۇسىنعان.
