"كٶرٸپكەل شىندىقتى ايتىپ تۇرعان جوق": بايجانوۆ توسىن مەلٸمدەمە جاسادى
Сағыныш Сардарова
كوللاج: Dalanews.kz
ادۆوكات نازكەن قۇسايىنوۆا باقىتجان بايجانوۆتان بيشٸمباەۆ كٶرٸپكەلمەن ناقتى قاي ۋاقىتتا سٶيلەسكەنٸن سۇرادى.
"مەن قازٸر بەرٸن تىڭداپ وتىرمىن. بٸرٸنشٸ قوڭىراۋدى ساعات 14.00-دە شالعان. ول كەزدە مەن بولعان جوقپىن. ساعات 15.51-دە قوڭىراۋ شالعاندا, مەن جانىندا (بيشٸمباەۆتىڭ جانىندا – ەسك.) تۇردىم. بەرٸن ەستٸپ تۇردىم.
ونىڭ جاۋابى ماعان كٶمەكتەسە مە, جوق پا, بٸلمەيمٸن. بٸراق ول شىندىقتى ايتىپ تۇرعان جوق. ول دەرٸگەر نەمەسە جەدەل جەردەم تۋرالى ايتقان جوق. ٶيتكەنٸ مەن بيشٸمباەۆتىڭ جانىندا تۇرىپ, بەرٸن ەستٸپ تۇردىم.
ول "ميى شارشاعان, ۇيىقتاپ السىن, بٸراز ۋاقىتتان كەيٸن ويانادى, كەيٸن ٷيگە قايتاسىڭدار" دەگەندٸ قايتالاۋمەن بولدى. مەن وسىلاي ەستٸدٸم", - دەدٸ ول.
بايجانوۆتىڭ ايتۋىنشا, بۇدان كەيٸن دە كٶرٸپكەلدەن جەدەل جەردەم, دەرٸگەر تۋرالى ەڭگٸمە ەستٸمەگەن.
بٷگٸن سوت وتىرىسى باستالار الدىندا پروكۋرور ايجان ايماعانوۆا كٶرٸپكەل جەكە دەرەكتەرٸن جارييا ەتكٸسٸ كەلمەيتٸنٸن ايتىپ, سۋديادان ونىڭ تەك داۋىسى ەستٸلۋٸنە جاعداي جاسالۋىن سۇرادى. ٶيتكەنٸ كٶرٸپكەل ٶزٸنە قىسىم جاسالىپ جاتقانىن مەلٸمدەگەن.
كٶرٸپكەل بيشٸمباەۆتى 1,5-2 جىلدان بەرٸ اناسى ارقىلى بٸلەتٸنٸن ايتتى.
"ەكٸ ايدا بٸر رەت قوڭىراۋ شالىپ, جۇمىسى, كەسٸبٸ تۋرالى سۇرايتىن. مەن تارولوگپىن, ول بٸردەڭە بٸلگٸسٸ كەلسە, "قاراپ كٶرٸڭٸزشٸ" دەپ جٷگٸنەتٸن", - دەدٸ ول.
سونىمەن قاتار, كٶرٸپكەل مارقۇم سالتانات نٷكەنوۆا قايتىس بولعان كٷن تۋرالى بايانداپ بەردٸ.
"ول حابارلاستى. ناقتى ۋاقىتى ەسٸمدە جوق. مەنٸڭ قولىم بوس ەمەس ەدٸ. بٸراق تۇتقانى كٶتەردٸم. ول "سالتانات ەكەۋمٸز قاتتى ماس بولىپ, تٶبەلەستٸك" دەدٸ. بۇل شامامەن تٷستەن كەيٸنگٸ ۋاقىت ەدٸ. 15.00-16.00 ەدٸ. ونىڭ ٸشٸمدٸك ٸشكەنٸ بايقالىپ تۇردى. قاتتى مەن بەرمەدٸم. ول "قاراپ بەرٸڭٸزشٸ" دەدٸ. مەن "دەرٸگەرگە حابارلاس, جەدەل جەردەم شاقىر" دەدٸم. ول "قايتا-قايتا قاراپ كٶرٸڭٸزشٸ" دەدٸ. ٶتە قىسقا ەڭگٸمە بولدى. 30 سەكۋندتاي. ..."كەشە قاتتى ٸشٸپ, قاتتى تٶبەلەستٸك" دەدٸ. "مەن نە ٸستەيٸن?" دەدٸم. داۋىسى كٷندەگٸدەي ەمەس ەدٸ, ەر سٶزٸن تاڭداپ ايتتى. مەن "جەدەل جەردەمگە حابارلاس" دەدٸم", - دەيدٸ كۋەگەر.
