"Kóripkel shyndyqty aityp turǵan joq": Baijanov tosyn málimdeme jasady
Сағыныш Сардарова
24 sáýir, 2024
Kollaj: Dalanews.kz
Advokat Nazken Qusaiynova Baqytjan Baijanovtan Bishimbaev kóripkelmen naqty qai ýaqytta sóileskenin surady.
"Men qazir bárin tyńdap otyrmyn. Birinshi qońyraýdy saǵat 14.00-de shalǵan. Ol kezde men bolǵan joqpyn. Saǵat 15.51-de qońyraý shalǵanda, men janynda (Bishimbaevtyń janynda – esk.) turdym. Bárin estip turdym.
Onyń jaýaby maǵan kómektese me, joq pa, bilmeimin. Biraq ol shyndyqty aityp turǵan joq. Ol dáriger nemese jedel járdem týraly aitqan joq. Óitkeni men Bishimbaevtyń janynda turyp, bárin estip turdym.
Ol "miy sharshaǵan, uiyqtap alsyn, biraz ýaqyttan keiin oianady, keiin úige qaitasyńdar" degendi qaitalaýmen boldy. Men osylai estidim", - dedi ol.
Baijanovtyń aitýynsha, budan keiin de kóripkelden jedel járdem, dáriger týraly áńgime estimegen.
Búgin sot otyrysy bastalar aldynda prokýror Aijan Aimaǵanova kóripkel jeke derekterin jariia etkisi kelmeitinin aityp, sýdiadan onyń tek daýysy estilýine jaǵdai jasalýyn surady. Óitkeni kóripkel ózine qysym jasalyp jatqanyn málimdegen.
Kóripkel Bishimbaevty 1,5-2 jyldan beri anasy arqyly biletinin aitty.
"Eki aida bir ret qońyraý shalyp, jumysy, kásibi týraly suraityn. Men tarologpyn, ol birdeńe bilgisi kelse, "qarap kórińizshi" dep júginetin", - dedi ol.
Sonymen qatar, kóripkel marqum Saltanat Núkenova qaitys bolǵan kún týraly baiandap berdi.
"Ol habarlasty. Naqty ýaqyty esimde joq. Meniń qolym bos emes edi. Biraq tutqany kóterdim. Ol "Saltanat ekeýmiz qatty mas bolyp, tóbelestik" dedi. Bul shamamen tústen keiingi ýaqyt edi. 15.00-16.00 edi. Onyń ishimdik ishkeni baiqalyp turdy. Qatty mán bermedim. Ol "qarap berińizshi" dedi. Men "dárigerge habarlas, jedel járdem shaqyr" dedim. Ol "qaita-qaita qarap kórińizshi" dedi. Óte qysqa áńgime boldy. 30 sekýndtai. ..."Keshe qatty iship, qatty tóbelestik" dedi. "Men ne isteiin?" dedim. Daýysy kúndegidei emes edi, ár sózin tańdap aitty. Men "jedel járdemge habarlas" dedim", - deidi kýáger.
