2021 جىلى قۋاڭشىلىققا بايلانىستى ماڭعىستاۋ وبلىسىندا اۋىل شارۋاشىلىعىندا جەم-شوپتىڭ باعاسىن تۇراقتاندىرۋ ماقساتىندا بيۋدجەتتەن 2،1 ملرد تەڭگە بولىنگەن. مال ازىعىن قولجەتىمدى باعامەن ساتۋ بويىنشا جۇمىستار بۇگىنگى كۇنگە دەيىن جالعاسۋدا.
سونىمەن قاتار، بيىل دا ۇكىمەت رەزەرۆىنەن 664 ملن تەڭگە ءبولىنىپ، 314 شارۋا قوجالىعىنا جانە 2711 قوسالقى شارۋاشىلىعىنا بارلىعى 414 ملن تەڭگە كولەمىندە كومەك كورسەتىلدى.
بيىل عىلىمي نەگىزدەلگەن كوپجىلدىق ەكپەلى شوپتەردى ءوسىرۋ مەن جايىلىمداردى ءتيىمدى پايدالانۋ تەحنولوگياسىن ەنگىزۋ ارقىلى 3 يننوۆاسيالىق جوبا ىسكە اسىرىلۋدا.
اتاپ ايتقاندا، جاڭا تەحنولوگيالار قولدانۋ ارقىلى كوپجىلدىق ەكپەلى شوپتەردى ءوسىرۋ باعىتىندا 2 جوبا جانە گەواقپاراتتىق جۇيە تەحنولوگياسىن پايدالانۋ ارقىلى جايىلىمدارداعى سۋ قورىن باسقارۋعا قاتىستى 1 جوبا.
بۇل جوبالار وڭىردەگى مال شارۋاشىلىعى سالاسىنىڭ دامۋىنا وڭ اسەر ەتەدى دەپ كۇتىلۋدە.
مال شارۋاشىلىعىن دامىتۋ ماقساتىندا بيىل 580 ملن تەڭگە كولەمىندە سۋبسيديا ءبولىنىپ، وڭىردەگى 110 شارۋا جەم-شوپتىڭ وزىندىك قۇنىن تومەندەتۋ ءۇشىن 180 ملن تەڭگە سوماسىندا سۋبسيديا الدى.
سونىمەن قاتار، ينۆەستيسيالىق سۋبسيديالارعا رەسپۋبليكالىق بيۋدجەتتەن 1،4 ملرد تەڭگە ءبولىندى. سونىڭ ناتيجەسىندە 88 اگروونەركاسىپتىك كەشەنى سۋبەكتىسىن قارجىلاندىرۋ جوسپارلانىپ وتىر.
بيىل وڭىردە 1003 گەكتار كوكونىس پەن باقشا داقىلدارى ەگىلدى، ناتيجەسىندە 22 مىڭ توننا ءتۇرلى ءونىم ءوندىرۋ جوسپارلانۋدا.
وسى جىلى اۋىلشارۋاشىلىعى سالاسىندا جالپى قۇنى 2،3 ملرد تەڭگە بولاتىن 8 جوبا جۇزەگە اسىرىلادى (ازىق-تۇلىك ساقتاۋ قويماسى، ەت وڭدەۋ كومبيناتى، ەت ونىمدەرىن كونسەرۆىلەۋ، شاعىن قۇس فەرماسى جانە 4 جىلىجاي كەشەنى). ناتيجەسىندە 257 جۇمىس ورنىن قۇرۋ جوسپارلانىپ وتىر.
