كارىبايەۆتار وتباسى جامبىل اۋدانى، قارعالى اۋىلىنىڭ تۇرعىندارى. بۇل
جانۇيا دا 9 ءارتۇرلى ۇلت وكىلدەرىنىڭ بالالارى تاربيەلەپ وتىر. ولاردىڭ 7-ەۋى بۇرىندارى بالالار ءۇيىن مەكەن ەتكەن جەتكىنشەكتەر.
وتاعاسى – مال دارىگەرى، ال انالارى – جۋرناليست، مەديا-ەرىكتى. اتالعان وتباسىنى وبلىستا كوبىسى تانيدى.
كارىبايەۆتار جانۇياسى «مەرەيلى وتباسى – 2018» بايقاۋىندا جەڭىسكە جەتىپ،
رەسپۋبليكا بويىنشا ەڭ ۇزدىك 16 وتباسىنىڭ قاتارىنا ەنگەن بولاتىن.
ۇزدىكتەردىڭ قاتارىنان كورىنىپ جۇرگەن وتباسىنىڭ ارمانى كولىك الۋ ەدى. وتباسىنىڭ قالاۋلارىن «Kusto Group» كومپانياسى ورىنداپ، كوڭىلدەرىن مارقايتىپ تاستادى.
ايتا كەتۋ كەرەك، بۇل #KustoHelp جوباسىنىڭ اياسىندا اتقارىلعان ىزگى ءىستىڭ ءبىر بولىگى عانا. بۇعان دەيىن اتالمىش كومپانيا ەلىمىزدەگى كوپتەگەن مۇقتاج وتباسىلارعا كومەك قولىن سوزعان بولاتىن. سونداي-اق، ەلىمىزدىڭ مەديسينالىق ۇيىمدارىن قورعانىش قۇرالدارىمەن، مەديسينالىق ماسكالارمەن جانە باكتەريسيدتى شامدارمەن قامتاماسىز ەتكەن ەدى.
انار سابىروۆا، الماتى وبلىسى.
