– قۇرمەتتى ەلوردا تۇرعىندارى! سىزدەردى قازاقستان رەسپۋبليكاسىنىڭ كونستيتۋسياسى كۇنىمەن شىن جۇرەكتەن قۇتتىقتايمىن!
كونستيتۋسيا – ەلدەگى تۇراقتىلىقتى، بەيبىتشىلىك پەن كەلىسىمدى قامتاماسىز ەتەتىن جاسامپازدىق پەن وركەندەۋدىڭ بەرىك كەپىلى. كونستيتۋسيا مەملەكەتىمىزدىڭ ىرگەسىن قۇقىقتىق جانە زايىرلى مەملەكەت رەتىندە بەكىتتى.
نەگىزگى زاڭ قابىلدانعان كۇننەن باستاپ ەلىمىزدە حالىقتىڭ ءال-اۋقاتىن جاقسارتاتىن ماڭىزدى رەفورمالار وتكىزىلدى. 5 ماۋسىم كۇنى ەلىمىزدىڭ كونستيتۋسياسىنا وزگەرىستەر مەن تولىقتىرۋلار ەنگىزۋ جونىندەگى جالپىۇلتتىق رەفەرەندۋم ءوتتى.
مەملەكەت باسشىسى قاسىم-جومارت كەمەل ۇلى توقايەۆ كونستيتۋسياعا ەنگىزىلەتىن تۇزەتۋلەر ازاماتتاردىڭ مۇددەسىن، قۇقىعىن جانە بوستاندىعىن قامتاماسىز ەتەتىنىن، «الەۋمەتتىك ادىلەتتىلىك – باستى قۇندىلىق جانە جاڭا قوعامدىق كەلىسىمنىڭ تىرەگى» ەكەنىن اتاپ ءوتتى.
كونستيتۋسيا كۇنى قۇتتى بولسىن! بارشاڭىزعا زور دەنساۋلىق، وتباسىلارىڭىزعا اماندىق تىلەيمىن! – دەپ قۇتتىقتادى التاي كولگىنوۆ.
