وتىرىستا ءسوز العان كوميسسيا مۇشەسى، جۇمىس توبىنىڭ جەتەكشىسى دوس كوشىم، ءقازىردىڭ وزىندە بەلگىلى ءبىر ارالىق شەشىم شىعارۋعا بولادى دەپ ەسەپتەيدى.
«مەنiڭ ويىمشا، بiر ارالىق شەشiم شىقتى جانە ونى پارلامەنتكە بەرۋ كەرەك سياقتى. ول – جەردi جالعا بەرۋدi قايتا اشۋىمىز كەرەك. ويتكەنi، قازiر جەردi جالعا بەرۋ توقتاتىلدى عوي. وسى جەردە سويلەگەن ازاماتتاردىڭ ءبارiنiڭ بiر نۇكتەدەن قوسىلعان جەرi – جەردi 49 جىلعا جالعا بەرۋدi ءارi قاراي جالعاستىرۋ قاجەت. ەشكىم وسىعان قارسى بولعان جوق، قايتا ءبارىنىڭ ايتاتىنى وسى. وسىنى بiزدiڭ ارالىق شەشiم رەتiندە پارلامەنتكە بەرۋگە بولادى»، – دەدi دوس كوشiم.
بۇدان بولەك، كوميسسيا مۇشەسiنiڭ ايتۋىنشا، ينۆەستيسيا مەن جەردi شەتەلدiكتەرگە جالعا بەرۋ ماسەلەسiن شاتاستىرماعان ءجون.
«مەنiڭ امەريكالىق بiر جولداسىم «1 ملن دوللار ينۆەستيسيا بەرسەم، بەس جىلدان كەيiن جىل سايىن ماعان 100 مىڭ دوللار قايتارىپ تۇرا ما؟» دەپ سۇرايدى. ول ينۆەستيسيا سالىپ، سودان پايدا تابامىن دەيدi. ال بiزدiڭ قازiر ايتىپ جاتقانىمىز - جەردi شەتەلدiكتەرگە جالعا بەرمەۋ ماسەلەسi. ءبارiن انىقتاپ الايىق. ينۆەستيسيا سالۋ مەن جالعا بەرۋدىڭ باسىن اشىپ الايىق»، – دەدi ول.
دوس كوشىمنىڭ وسى ۇسىنىسىن، كوميسسياداعى تاعى ءبىر جۇمىس توبىنىڭ جەتەكشىسى مۇحتار تايجان دا قولدادى. ول دا جەردى قازاقستاندىقتارعا 49 جىلعا جالعا بەرۋدى قولدايدى جانە ونى پارلامەنتكە ۇسىنىس رەتىندە ەنگىزۋگە بولادى دەپ ەسەپتەيدى. تەك جەرى تىم كوپ، لاتيفۋنديتەرگە قاتىستى ءوز پىكىرىن ايتتى.
«جەرى 100 مىڭ گەكتاردان اسىپ جاتقان لاتيفۋنديستەرگە شارا قولدانۋ كەرەك. ول قانداي؟ مىسالى، جەردى جالعا بەرگەندە نەمەسە ساتقاندا بەلگىلى ءبىر شەكتەۋ بولۋى كەرەك. ەگەر سول شەكتەۋدەن 2 ەسە كوپ جەر السا، سالىقتى دا 2 ەسەگە كوبەيتۋ كەرەك، ءۇش ەسە كوپ پە، وندا سالىقتى دا ءۇش ەسەگە كوتەرۋ كەرەك. مىنە، سوندا ءبىز لاتيفۋنديستەردى دە باقىلاپ ۇستاي الاتىن ەدىك»، – دەدى م.تايجان.
ايىمگۇل ابىليەۆا
دەرەككوزى: BNews.kz
