كاسىپقوي بوكسشىنى "زورلادى" دەپ ايىپتاعان ءانارۋ ءقۇرمانالىنىڭ اكەسى قالدىبەك ءقۇرمانالىنىڭ مالىمدەمەسى پايدا بولدى، - دەپ حابارلايدى Dalanews.kz.
جۋرناليست گۇلبانۋ ءانيات قىزى قالدىبەك قۇرمانالىمەن سويلەسكەنىن ايتتى.
"قالدىبەك اعانىڭ 2016 جىلى ومىردەن وتكەن اقمارجان تاۋبايەۆا ەسىمدى ءاي̆ەلىنەن ءانارۋ قىزى مەن ءاناسىل ۇلى بار ەكەن. بالالارىمەن ارالاسىپ، كومەكتەسىپ تۇراتىنىن اي̆تتى. قالدىبەك ءقۇرمانالى جۇرەگىنە وتا جاساتىپ، دەنساۋلىعىنا باي̆لانىستى تۇركىستان وبلىسىنا كوشىپ كەتكەن. "ءقازىر قىزىما كومەكتەسۋ ءۇشىن الماتىعا كەلدىم" دەي̆ءدى. "قىزىم جىلاپ كەلگەندە بۇل سوراقىلىقتى قوعام ءبىلۋى كەرەك دەپ، جۋرناليستەرمەن سۇحبات ۇي̆ىمداستىرعان دا ءوزىم" دەپ وتىر"، - دەيدى جۋرناليست.
قالدىبەك ءقۇرمانالى جانقوش جاقتان كەشىرىم سۇراعانىن، ءبىراق ەشقانداي̆ كەشىرىم بەرە الماي̆تىنىن اي̆تىپتى.
"قىزىمدى قورعاۋعا جانىمدى، بارىمدى سالامىن" دەپ وتىر. ءانارۋ 28 جاستاعى ۇلكەن قىز، تۇلعا. جانقوشپەن كەزدەسكەنى، وعان نەگە سەنگەنى جاي̆لى ەشتەڭە اي̆تا الماي̆مىن دەدى. قوعامنىڭ بۋللينگىنەن سوڭ ءانارۋ بىرنەشە رەت وزىنە قول جۇمساماق بولىپتى. ءقازىر دەپرەسسيادا ءجۇر دەي̆ءدى. قالدىبەك ءقۇرمانالى بۇل ماسەلەدە اياعىنا دەي̆ءىن قىزىنىڭ قاسىندا بولاتىنىن اي̆تتى"، - دەيدى گۇلبانۋ ءانيات قىزى.
ەسكە سالايىق،بۇعان دەيىن جانقوش تۇراروۆتىڭ ادۆوكاتى مالىمدەمە جاساعان بولاتىن. ادۆوكات سامات مامۇتوۆ باسپا ءسوز كونفەرەنسياسىندا داۋلى سۇراقتارعا جاۋاپ بەردى.
"جانقوشتىڭ جاعىنان ونداي ەشقانداي ارەكەت جاسالماعان (ءانارۋدىڭ وتباسىنا حابارلاسىپ، ارىزدى الىپ تاستاۋدى وتىنبەگەن- ەسك.). جانقوش ارىز بويىنشا جالعان دەپ ەسەپتەيدى. ءوزىن تازامىن دەپ ەسەپتەيدى. كەشىرىم سۇراپ نەمەسە ارىزىن الىپ تاستاۋ تۋرالى ءوتىنىش جاساۋعا ەشقانداي نەگىز جوق"، - دەدى ادۆوكات.
سونىمەن قاتار، جالا جابۋ دەرەگى بويىنشا ارىزدانۋشىنى سوتقا بەرۋگە نيەتتى ەكەنىن مالىمدەدى.
"زاڭ تالاپتارىنا سايكەس قىلمىستىق ءىس اياقتالعاننان كەيىن سوتقا جۇگىنۋگە نيەتىمىز بار. سەبەبى قازىرگى تاڭدا كىنا دالەلدەنبەگەن. تەرگەۋ اياقتالعانىن كۇتەمىز"، - دەدى ول.
سونىمەن قاتار، جانقوش تۇراروۆتىڭ ادۆوكاتى ارىزدانۋشىنىڭ اكەسى، تانىمال كومپوزيتور قالدىبەك ءقۇرمانالى ەشقانداي بايلانىسقا شىقپاعانىن ايتتى.
"جوق"، - دەدى ادۆوكات.
سونداي-اق تۇراروۆتىڭ ادۆوكاتى سپورتشىنى ايىپتاعان قىزدى سوتقا بەرەتىنىن ايتتى.
"ءانارۋدى سوتقا بەرۋ ءۇشىن سوتالدى تەرگەۋ ءىسى اياقتالۋى كەرەك. سەبەبى ءقازىر ونى سوتقا بەرسەك تە، سوتالدى تەرگەۋ ءىسىنىڭ اياقتالۋىن كۇتۋىمىز كەرەك. ودان كەيىن ءبىز سوتقا بەرەمىز"، - دەدى ول جۋرناليستەرگە وتكىزگەن پرەسس-كونفەرەنسيادا.
سونداي-اق، ول ەسىرتكى مەن ىشىمدىككە قاتىستى تەست تاپسىرىلعانىن ايتتى.
"قۇقىعىمىز بىردەي، سوندىقتان تەك جابىرلەنۋشىنىڭ ءسوزى نە جەلىدە تاراعان اقپاراتقا سۇيەنىپ ونى كۇدىكتى دەپ تانۋعا بولمايدى. ءىس بويىنشا دالەلدەمەلەر جيىنتىعى بولۋى كەرەك. ساراپتامالار، بەينەجازبالار بولۋى كەرەك. سوتالدى تەرگەپ-تەكسەرۋ باستالدى، ساراپتامالار تاعايىندالدى. پسيحوتروپتى، الكوگولگە قاتىستى تەست تاپسىرىلدى، ءبارى تازا دەپ كورسەتىلدى"، - دەيدى ول.
سەنبى، 24 تامىزدا بوكسشى جانقوش تۇراروۆ الەۋمەتتىك جەلى مەن باق-تا قىزۋ تالقىلانىپ جاتقان داۋلى ماسەلەگە قاتىستى تاعى دا مالىمدەمە جاساعان بولاتىن. سەبەبى بۇعان دەيىن ءانارۋ قالدىبەك قىزى سپورتشىمەن قالاي تانىس ەكەنىن جانە ءىستىڭ ءمان-جايىن ايتقان ەدى.
ءانارۋدىڭ ايتۋىنشا، ول جانقوش تۇراروۆپەن 2018 جىلى الەۋمەتتىك جەلى ارقىلى تانىسقان.
«2018 جىلى «ۆكونتاكتە» الەۋمەتتىك جەلىسى ارقىلى ماعان ءوزى ءبىرىنشى حات جازدى. مەنىڭ سۋرەتتەرىمەن ءلۇپىل باسىپ، ۇنەمى حات جازىپ ءجۇردى. مەن ول كەزدە ونىڭ ۇيلەنگەنىن، بالا-شاعاسى بار ەكەنىن بىلگەن جوقپىن، بوكسشى ەكەنىن دە بىلگەن جوقپىن. الەۋمەتتىك جەلىدە وتباسى تۋرالى ەشبىر اقپارات جازباعان. بويداقپىن دەپ ستاتۋس قويعان. سودان كەيىن جاي عانا سويلەسىپ ءجۇردىم. 2018 جىلدىڭ اقپان ايىندا مەنى كەزدەسۋگە شاقىردى. ونداي جەرگە جالعىز بارمايتىن بولعان سوڭ قۇربىمدى ەرتىپ الدىم. گرۋپپالاس قۇربىم ەكەۋمىز كەزدەسۋگە باردىق، ال ونىڭ جانىندا كوپ ادام بولدى. سودان باستاپ ءبىر اي بويى ماعان حات جازىپ ءجۇردى. ماعان «سەن پاك قىزسىڭ، سەن تازا قىزسىڭ، ماعان قاتتى ۇنايسىڭ» دەيتىن. ءبىراق، ول كەزدە مەن ونىڭ وتباسىلى ادام ەكەنىن ءبىلىپ، «ءسىز ۇيلەنگەن ادام ەكەنسىز، مەن سىزبەن ارالاسا المايمىن» دەدىم. «جوق، مەن ۇيلەنگەن بولسام دا سەن ماعان ۇنايسىڭ، مەن ساعان اعالىق قامقورلىق تانىتقىم كەلەدى، جاماندىق ويلامايمىن» دەدى. وسىلاي كۇندە حات جازاتىن. ارادا ءبىر اي وتكەندە ماعان «اكەمنىڭ اناسى، اجەم قاتتى اۋىرىپ جاتىر. ءحال ۇستىندە. سەنى كورسەتكىم كەلەدى، كەلشى» دەپ ءبىر مەكەن-جاي جىبەردى. مەن بىردەن بارا المايمىن دەدىم. ءبىراق، سونىڭ الدىندا، ءبىر جارىم جىل بۇرىن مەن انامنان ايىرىلعان ادام رەتىندە ونىڭ اجەسى اۋىرىپ قالعانىنا قاتتى جانىم اشىدى. سوندىقتان، ول مەنى اپاسىنىڭ ءحالىن سۇراۋعا كوندىردى»، - دەيدى ءانارۋ قالدىبەك قىزى.
بۇعان دەيىن تانىمال قازاقستاندىق بوكسشى جانكوش تۇراروۆ «قىز زورلادى» دەگەن اقپارات تاراپ كەتتى. ماسەلەگە الماتى پوليسياسى پىكىر ءبىلدىردى.
پوليسيانىڭ مالىمەتىنشە، الماتى قالاسى اۋەزوۆ اۋدانىنىڭ پوليسيا دەپارتامەنتى قىلمىستىق ءىس قوزعاعان.
«سوت-مەديسينالىق ساراپتاما تاعايىندالدى. ءقازىر وقيعانىڭ ءمان-جايىن انىقتاۋ ءۇشىن تەرگەۋ جالعاسىپ جاتىر»، - دەپ جازىلعان حابارلاما.
كەيىن جانقوش تۇراروۆ وزىنە تاعىلعان ايىپتارعا جاۋاپ بەردى.
«3 قىز ءوسىرىپ وتىرعان اكەمىن! توسەكتەس قىز كەرەك بولسا ماعان زورلاماي-اق كەلەتىن جاعدايىم بار! قايدان شىققان جالا ەكەنىن ءوزىم دە تۇسىنبەي وتىرمىن، ءقازىر ماسەلەنىڭ ءمان جايىن انىقتاپ، كىم قانداي جالا تاعىپ وتىرعانىن انىقتايتىن بولامىن»، - دەدى ول.
