استانادا پوليسەيلەر ءىرى كولەمدە قارجى ۇرلادى دەگەن كۇدىككە ىلىنگەن كومپانيانىڭ بۇرىنعى ساتۋ ءبولىمىنىڭ مەنەدجەرىن ۇستادى، دەپ حابارلايدى Dalanews.kz.
قۇقىق قورعاۋ ورگاندارىنىڭ مالىمەتىنشە، كۇدىكتى جۇمىس ىستەپ جۇرگەن كەزىندە كومپانيانىڭ كورپوراتيۆتىك بانك شوتىنا قول جەتكىزۋ مۇمكىندىگىنە يە بولعان. الايدا ول جۇمىستان كەتكەننەن كەيىن، ونىڭ جەكە ەسەپتىك جازباسى دەر كەزىندە بۇعاتتالماعان، ال بۇل ولقىلىقتى بۇرىنعى قىزمەتكەر جەكە ماقساتتا پايدالانىپ كەتكەن.
"تەرگەۋ بارىسىندا انىقتالعانداي، كۇدىكتى بىرنەشە اي بويى كومپانيا قاراجاتىن ءوز شوتتارىنا اۋدارىپ وتىرعان. ناتيجەسىندە كەلتىرىلگەن جالپى زالال كولەمى 14 ميلليون تەڭگەنى قۇرادى. اقشا تەك جەكە قاجەتتىلىكتەرىنە جۇمسالعان"، – دەلىنگەن رەسمي حابارلامادا.
قازىرگى تاڭدا كۇدىكتى ۋاقىتشا ۇستاۋ يزولياتورىنا قامالدى. وعان قاتىستى قىلمىستىق ءىس قوزعالىپ، سوتقا دەيىنگى تەرگەۋ امالدارى جۇرگىزىلۋدە.
