«كٶلساي كٶلدەرٸ» مەملەكەتتٸك ۇلتتىق تابيعي پاركٸ قىزمەتكەرلەرٸ «تازا قازاقستان» ەكولوگييالىق اكتسيياسى اياسىندا ساتى اۋىلىنداعى ا.تٷركەباەۆ اتىنداعى مەكتەپ-ليتسەيٸنٸڭ وقۋشىلارىنا ارنايى دەرٸس ٶتٸپ, اعاش كٶشەتتەرٸنٸڭ تۇقىمدارىن ارنايى ىدىستارعا وتىرعىزىپ, كٷتٸپ-باپتاۋ جۇمىستارىن ٷيرەتتٸ.
ۇلتتىق پارك ديرەكتورى ەلنۇر احمەتوۆتىڭ ايتۋىنشا «تازا قازاقستان» رەسپۋبليكالىق ەكولوگييالىق اكتسيياسى بويىنشا 2025 جىلى 356 ٸس-شارا ٶتكٸزۋ جوسپارلانعان. ونىڭ بٸرٸ – مەكتەپ وقۋشىلارىنا ۇلتتىق پارك اۋماعىندا ٶسەتٸن شرەنك شىرشاسىنىڭ تۇقىمىن ٶسٸرۋ تۋرالى اقپارات بەرۋگە ارنالعان دەرٸس.
«بارلىق يگٸ ٸس جاستارعا تەلٸم-تەربيە بەرۋدەن باستالادى. بٸزدٸڭ ۇلتتىق پارك بالاباقشا, مەكتەپ, كوللەدج, ۋنيۆەەرسيتەتتەرمەن جىل سايىن تىعىز قارىم-قاتىناستا جۇمىس جاسايدى. اۋدان عانا ەمەس, وبلىس, رەسپۋبليكا كٶلەمٸندە بٸراز مەكتەپتەرمەن بٸرلەسكەن جوبالاردى جٷزەگە اسىرۋدامىز. 5-6 مەكتەپتە «ورماشىلىق مەكتەپتەرٸ» بار. وندا 30-داي وقۋشى قوسىمشا بٸلٸم الادى. ولارعا 600-دەي شرەنك شىرشالارىن بەردٸك. بٷگٸنگٸ اكتسييا, دەرٸس بارىسىندا تۇقىمدار قالاي جينالادى, كٶشەتتەر قالاي وتىرعىزىلادى, قالاي كٷتٸپ-باپتالاتىنىن تٷسٸندٸردٸك. ولار ارى قاراي ساباق بارىسىندا زەرتتەپ, قالاي ٶسەتٸنٸن باقىلاي الادى. وسىلايشا بٸز ەكولوگييالىق بٸلٸم بەرۋدەن باستاپ, عىلىمي زەرتتەۋگە قىزىعۋشىلىعىن ارتتىرۋعا دەيٸن جەتكٸزۋگە كٷش سالۋدامىز», دەيدٸ ەلنۇر احمەتوۆ.
«تازا قازاقستان» ەكولوگييالىق اكتسيياسى اياسىندا ٶتكەن دەرٸسكە قاتىسقان ا.تٷركەباەۆ اتىنداعى مەكتەپ-ليتسەيٸنٸڭ وقۋشىلارىنىڭ ايتۋىنشا ۇلتتىق پارك ۇيىمداستىرعان دەرٸستەر ٶتە قىزىقتى ٶتەدٸ. ٶيتكەنٸ ايتىلعاننىڭ بەرٸن كٶزبەن كٶرٸپ, قولمەن ۇستاۋعا مٷمكٸندٸك بار.
«بٸزدٸڭ اۋىلدا شرەنك شىرشاسى ٶسەدٸ. كٷندەلٸكتٸ كٶرٸپ جٷرسەك تە ول قالاي ٶسەدٸ, قالاي كٷتٸپ-باپتاۋ كەرەك, كٶپ اقپاراتتى بٸلە بەرمەيمٸز. بٷگٸنگٸ اكتسييا, دەرٸس اياسىندا كٶپتەگەن اقپارات الدىق. كٶشەتتەردٸ قولىمىزبەن ۇستاپ كٶردٸك. ەندٸ ونى كٷندەلٸكتٸ دەرٸس كەزٸندە كٷتٸپ-باپتاۋدى جالعاستىرامىز. ۇلتتىق پارك مۇنداي شارالاردى جيٸ ٶتكٸزەدٸ. بٸزگە ۇنايدى. بٸز ٶز وتانىمىزدى, ٶز جەرٸمٸزدٸ, تابيعاتىمىزدى قورعاۋىمىز كەرەك», - دەيدٸ 9 سىنىپ وقۋشىسى زاڭعار قىرىقباەۆ.
ايتا كەتەيٸك, «كٶلساي كٶلدەرٸ» اۋماعىندا جىل سايىن 13 گا ورمان ەكپەلەرٸ ەگٸلەدٸ جەنە 3 گا ۋاقىتشا تۇقىمباقتا ورمان ەكپەلەرٸن ٶسٸرۋ جۇمىستارى جٷرگٸزٸلەدٸ. تۇقىمباقتاعى كٶشەتتەر 4 جىلدان تاۋلى ايماقتارعا ەگٸلەدٸ. 2024 جىلى پاركتٸڭ 13,7 گا. اۋماعىنا 95 520 دانا شرەنكا شىرشاسىنىڭ كٶشەتتەرٸ وتىرعىزىلعان. ۋاقىتشا ورمان تۇقىمباعىندا 113 400 دانا شرەنكا شىرشاسىنىڭ جاس كٶشەتتەرٸ ٶسٸرٸلۋدە.
ۇلتتىق پارك ديرەكتورى ەلنۇر احمەتوۆتىڭ ايتۋىنشا «تازا قازاقستان» ەكولوگييالىق اكتسيياسى بويىنشا ٶتكٸزٸلەتٸن ٸس-شارالار جىل بويى جالعاسادى. ونىڭ اياسىندا مەكتەپتەر مەن جوو-دا ەكولوگييالىق مەدەنيەتتٸ قالىپتاستىرۋ, قورشاعان ورتانى قورعاۋعا بايلانىستى اعارتۋشىلىق جۇمىستارىن جٷرگٸزۋ, ەكولوگييالىق بٸلٸم بەرۋ, «تازا اۋلا – تازا اۋىل», «ٷزدٸك ەكولوگييالىق بٸلٸم بەرۋ ۇيىمى» كونكۋرستارىن ٶتكٸزۋ, جەنە باق مەن ەلەۋمەتتٸك جەلٸ ارقىلى ناسيحاتتاۋ جۇمىستارى جوسپارلانعان.
«تازا قازاقستان – بۇل ەلٸمٸزدە قورشاعان ورتانى قورعاۋ, ەكولوگييالىق مەسەلەلەردٸ شەشۋ جەنە تابيعاتتى ساقتاۋ ماقساتىندا جٷزەگە اسىرىلىپ جاتقان ۇلتتىق ماڭىزى بار باستامالاردىڭ بٸرٸ. «ۇلتتىق پاركتەر» بۇل باستامانى قولداۋ, جٷزەگە اسىرۋدا الدىڭعى قاتاردا بولۋى كەرەك», دەيدٸ ەلنۇر احمەتوۆ.
