كٶلٸكتٸ 5 مينۋتتان ارتىق قىزدىرعانى ٷشٸن ايىپپۇل سالۋ زاڭدا جوق بولىپ شىقتى, دەپ حابارلايدى Dalanews.kz ۇلىسمەدياعا سٸلتەپ.
كٶلٸكتٸ بەس مينۋتتان ارتىق قىزدىرۋعا زاڭدا تىيىم سالىنباعان. بۇل تۋرالى مەجٸلٸس دەپۋتاتى, زاڭناما جەنە سوت-قۇقىقتىق رەفورما كوميتەتٸنٸڭ مٷشەسٸ باقىتجان بازاربەك مەلٸمدەدٸ. ول كوميتەت تيٸستٸ تٷزەتۋلەر ەنگٸزگەنٸن, وعان سەيكەس وسىنداي نورمالاردى جەرگٸلٸكتٸ ٶكٸلدٸ ورگاندار – مەسليحاتتار بەكٸتە الاتىنىن اتاپ ٶتتٸ.
- سٸزدەر (مەملەكەتتٸك ورگاندار) زاڭدا “بەس مينۋت” دەگەن تٷسٸنٸكتٸڭ جوق ەكەنٸن تٷسٸندٸرۋلەرٸڭٸز كەرەك ەدٸ. وسىلاي شۋلاتىپ جٸبەرگەن ٶزدەرٸڭٸز, قازٸر بٷكٸل حالىق بەس مينۋت تۋرالى ايتىپ جٷر. مۇنى ٸشكٸ ٸستەر مينيسترلٸگٸ مەن باسقا دا مەملەكەتتٸك ورگاندار بٸرٸگٸپ تٷسٸندٸرۋٸ تيٸس ەدٸ. ال قازٸر, تٷسٸندٸرۋ جۇمىستارىنىڭ جٷرگٸزٸلمەۋٸنٸڭ سالدارىن كٶرٸپ وتىرمىز. كٶپتەگەن ادام وسى مەسەلەنٸ حايپقا اينالدىرىپ جٸبەردٸ, – دەدٸ دەپۋتات.
ٶز كەزەگٸندە ٸشكٸ ٸستەر مينيسترٸنٸڭ ورىنباسارى يگور لەپەحا بەس مينۋت تۋرالى نورما جول قوزعالىسى تۋرالى زاڭدا «توقتاپ تۇرۋ» مەن «تۇراق» ۇعىمدارىن اجىراتۋ ٷشٸن قولدانىلعانىن ايتادى.
قوزعالتقىشتى قىزدىرۋ تۋرالى زاڭدا بەس مينۋت دەگەن تالاپ جوق. ەگەر تۇرعىندارعا قولايسىزدىق تۋدىرىپ, كەدەرگٸ جاسايتىن بولسا تەك مەحانيكالىق كٶلٸكتەردٸڭ قوزعالتقىشى قوسۋلى كٷيدە ەلدٸ مەكەندەردٸڭ اراسىندا توقتاپ تۇرۋىنا تىيىم سالىنادى. بۇل نورما بويىنشا تەك شاعىم تٷسكەن جاعدايدا عانا جاۋاپكەرشٸلٸككە تارتىلادى. ٶتكەن جىلى وسىنداي ٷش جاعداي بولدى, ونىڭ بٸرەۋٸن پروكۋراتۋرا توقتاتتى. ياعني, قوزعالتقىشتى قىزدىرعانى ٷشٸن ەشكٸمگە ايىپپۇل سالىنعان جوق. بۇل – قولدان جاسالعان پروبلەما», – دەپ سەندٸردٸ ۆيتسە-مينيستر.
بۇعان دەيٸن مەجٸلٸس دەپۋتاتى سەرٸك ەرۋباەۆ ٶڭٸرلەردٸڭ تەمپەراتۋرالىق رەجيمٸ مەن كليماتىن ەسكەرە وتىرىپ, قوسۋلى كٶلٸككە قاتىستى نورمانى قايتا قاراۋدى سۇراعان بولاتىن.
ال قر ٸٸم بۇل جاڭاشىلدىق ەمەس ەكەنٸن, اتالعان نورمانىڭ قولدانىسقا ەنگٸزٸلگەننەن بەرٸ 20 جىلدان استام ۋاقىت ٶتكەنٸن اتاپ ٶتتٸ.
قر ٸٸم ەكٸمشٸلٸك پوليتسييا كوميتەتٸ بۇل رەتتە قر ەقبتك-نٸڭ 597-بابىنان بۇزعانى ٷشٸن ازاماتتارعا 5 اەك (19 660 تەڭگە) مٶلشەرٸندە, ال قايتالاپ بۇزعانى ٷشٸن – 10 اەك (39 320 تەڭگە) مٶلشەرٸندە ايىپپۇل قاراستىرىلاتىنىن ەسكە سالدى.
