جارلىٶزەك اۋىلىندا بۇعان دەيٸن ويىن الاڭى بولماعان. سوندىقتان اۋىلداعى يديگوۆ كٶشەسٸنەن ارنايى ورىن بەلگٸلەنٸپ, بٸر مەزگٸلدە 30 بالا ويناي الاتىن جاڭا الاڭ سالۋ جوسپارلانعان بولاتىن.
مەردٸگەر ۇيىم «اتس Build» جشس الاڭ قۇرىلىسىن شٸلدە ايىندا باستاپ, بەلگٸلەنگەن مەرزٸمٸ – قىركٷيەك ايىنىڭ سوڭىندا اياقتادى.
جوبانىڭ قۇنى – 18,5 ملن تەڭگەگە جۋىق. نىسان سوڭعى ٷلگٸدەگٸ جابدىقتارمەن قامتىلعان.
وسى كٷنٸ مەۋلٸمباي اۋىلىنداعى جەڭٸس ورتا مەكتەبٸنٸڭ جاڭارعان ستاديونى جٶندەۋدەن كەيٸن پايدالانۋعا بەرٸلدٸ. وعان اعىمداعى جٶندەۋ جٷرگٸزٸلٸپ, 108 شارشى مەتر بالالار ويىن الاڭى, 108 شارشى مەتر Workout سپورت الاڭى مەن قورشاۋلى 800 شارشى مەترلٸك شاعىن فۋتبول الاڭى سالىندى.
بۇل يگٸ جاڭالىققا بالالار دەن ريزا. جەڭٸس ورتا مەكتەبٸنٸڭ وقۋشىسى اقنۇر جەتپٸسباي:
– جاسىم 9-دا, 4-شى سىنىپتا وقيمىن. بۇعان دەيٸن مەكتەپتٸڭ ەسكٸرگەن الاڭىندا وينايتىنبىز. قازٸر الاڭنىڭ جاڭارعانىن كٶرٸپ, قاتتى قۋاندىق. ەندٸ مۇندا دوپ ويناپ, ەتكەنشەك تەۋٸپ, تۋرنيكتە تارتىلىپ, سپورتپەن ەمٸن-ەركٸن شۇعىلداناتىن بولامىز, – دەدٸ ول.
ستاديونعا جٶندەۋ جۇمىستارىن اتقارعان مەردٸگەر ۇيىم – «كەنجەنوۆا» جك اينالاسى 4 ايدىڭ ٸشٸندە جوبانى اياقتاعان. جوباعا 22,5 ملن. تەڭگە قارجى بٶلٸندٸ.
