Jarlyózek aýylynda buǵan deiin oiyn alańy bolmaǵan. Sondyqtan aýyldaǵy Idigov kóshesinen arnaiy oryn belgilenip, bir mezgilde 30 bala oinai alatyn jańa alań salý josparlanǵan bolatyn.
Merdiger uiym «ATS Build» JShS alań qurylysyn shilde aiynda bastap, belgilengen merzimi – qyrkúiek aiynyń sońynda aiaqtady.
Jobanyń quny – 18,5 mln teńgege jýyq. Nysan sońǵy úlgidegi jabdyqtarmen qamtylǵan.
Osy kúni Máýlimbai aýylyndaǵy Jeńis orta mektebiniń jańarǵan stadiony jóndeýden keiin paidalanýǵa berildi. Oǵan aǵymdaǵy jóndeý júrgizilip, 108 sharshy metr balalar oiyn alańy, 108 sharshy metr Workout sport alańy men qorshaýly 800 sharshy metrlik shaǵyn fýtbol alańy salyndy.
Bul igi jańalyqqa balalar dán riza. Jeńis orta mektebiniń oqýshysy Aqnur Jetpisbai:
– Jasym 9-da, 4-shy synypta oqimyn. Buǵan deiin mekteptiń eskirgen alańynda oinaitynbyz. Qazir alańnyń jańarǵanyn kórip, qatty qýandyq. Endi munda dop oinap, átkenshek teýip, týrnikte tartylyp, sportpen emin-erkin shuǵyldanatyn bolamyz, – dedi ol.
Stadionǵa jóndeý jumystaryn atqarǵan merdiger uiym – «Kenjenova» JK ainalasy 4 aidyń ishinde jobany aiaqtaǵan. Jobaǵa 22,5 mln. teńge qarjy bólindi.
