كوكشەتاۋ قالاسىندا ينجەنەرلىك جەلىلەر مەن اباتتاندىرۋ نىساندارىن سالۋعا بولىنگەن بيۋدجەت قاراجاتىن جىمقىرۋ فاكتىسى بويىنشا تەرگەۋ جۇرگىزىلىپ جاتىر، دەپ حابارلايدى Dalanews.kz.
2020 جىلى «كوكشەتاۋ قالاسىنىڭ قۇرىلىس ءبولىمى» مم مەن مەردىگەر ۇيىمدار - «TAU PROJEKT» ج ش س جانە «سەم-سترويەنەرگومونتاج» ج ش س اراسىندا بەكىتىلگەن جوبالىق-سمەتالىق قۇجاتتاما اياسىندا قۇرىلىس-مونتاج جۇمىستارىن ورىنداۋ جانە تەحنيكالىق قاداعالاۋ جونىندە كەلىسىمشارتتار جاسالعان.
الايدا مەردىگەر كومپانيالاردىڭ بەنەفيسيارى ورىندالعان جۇمىس كولەمىن ادەيى ارتتىرۋ سحەماسىن ۇيىمداستىرعان.
قابىلداۋ اكتىلەرىنە ءىس جۇزىندە ورىندالماعان نەمەسە تولىق ورىندالماعان جۇمىستار تۋرالى جالعان مالىمەتتەر ەنگىزىلگەن.
سونىڭ سالدارىنان قۇجات جۇزىندە راستالعانىمەن، سۋ بۇرۋ جۇيەسىنىڭ نەگىزىن دايىنداۋ، ارىق بلوكتارىن ورناتۋ، كارىز-سورعى ستانسياسىن جەتكىزۋ جانە مونتاجداۋ جۇمىستارى ناقتى ورىندالماعان.
ءوز كەزەگىندە قۇرىلىس ءبولىمىنىڭ باسشىسى ناقتى ورىندالعان جۇمىس كولەمى جوبالىق شەشىمدەرگە سايكەس كەلمەيتىنىن بىلە تۇرا، جالعان اكتىلەرگە قول قويۋدى قامتاماسىز ەتىپ، قارجىلاندىرۋدى توقتاتۋ جانە شارتتاردى بۇزۋ شارالارىن قابىلداماعان.
قول قويىلعان قۇجاتتار نەگىزىندە مەردىگەر ۇيىمدارعا بيۋدجەت قاراجاتى اۋدارىلىپ، كەيىن ولاردى زاڭداستىرۋ ماقساتىندا قاراجات «MAZHERUS» ج ش س جانە «Tamila Invest» ج ش س ارقىلى قايتا بولىنگەن.
مەملەكەتكە كەلتىرىلگەن زالال 160 ملن تەڭگەدەن استى. سوت سانكسياسىمەن كۇدىكتىلەردىڭ مۇلكىنە، ونىڭ ىشىندە 10 اۆتوكولىككە، 3 جەر ۋچاسكەسىنە جانە ءبىر پاتەرگە تىيىم سالىندى.
كۇدىكتىلەرگە قاتىستى قاماۋعا الۋ جانە ءۇيقاماق تۇرىندەگى بۇلتارتپاۋ شارالارى قولدانىلدى. تەرگەۋ جالعاسۋدا.
