كٶكشەتاۋ قالاسىنداعى "نابەرەجنايا" جاعاجايىن سالۋعا بٶلٸنگەن قوماقتى قاراجاتتى جىمقىردى دەگەن كٷدٸكپەن بٸرقاتار لاۋازىمدى تۇلعالار ۇستالىپ, ۋاقىتشا ۇستاۋ يزولياتورىنا قامالدى. بۇل تۋرالى اقمولا وبلىسىنىڭ ارنايى پروكۋرورلارى حابارلادى, دەپ حابارلايدى Dalanews.kz.
اتاپ ايتقاندا, 2021 جىلى كٶكشەتاۋداعى ەسكٸ ەۋەجايدان قان ورتالىعىنا دەيٸن سوزىلاتىن جاعاجاي قۇرىلىسىن جٷرگٸزۋ ٷشٸن بٶلٸنگەن 170 ملن تەڭگەدەن استام قاراجاتتىڭ ماقساتسىز جۇمسالعانى بەلگٸلٸ بولدى. تەرگەۋ بارىسىندا قالا ەكٸمدٸگٸنٸڭ تۇرعىن ٷي-كوممۋنالدىق شارۋاشىلىق بٶلٸمٸنٸڭ بۇرىنعى باسشىسى, تەحنيكالىق قاداعالاۋ جٷرگٸزگەن "م-ستروي پروەكت" جشس جەنە مەردٸگەر "پاۆلودارەنەرگومونتاج" جشس باسشىلارىنىڭ بۇل ٸسكە قاتىسى بارى انىقتالدى.
قىلمىستىق ٸس قر قىلمىستىق كودەكسٸنٸڭ 189-بابى 4-بٶلٸگٸ ("اسا ٸرٸ كٶلەمدە سەنٸپ تاپسىرىلعان بٶتەن مٷلٸكتٸ يەمدەنٸپ الۋ نەمەسە تالان-تاراجعا سالۋ") بويىنشا قارالىپ جاتىر. بۇل باپ بويىنشا كٸنەلٸ دەپ تانىلعان جاعدايدا مٷلكٸ تەركٸلەنٸپ, 12 جىلعا دەيٸن باس بوستاندىعىنان ايىرىلۋى مٷمكٸن.
تەرگەۋ بارىسىندا زاڭسىز جولمەن الىنعان مٷلٸك تە تابىلدى: اتاپ ايتقاندا, استانا قالاسىنان 95 ملن تەڭگەگە باعالانعان كوممەرتسييالىق جىلجىمايتىن مٷلٸك انىقتالعان. پروكۋرورلاردىڭ مەلٸمەتٸنشە, جوبانىڭ كەيبٸر جۇمىستارى اتباسار قالاسىنداعى ٶزگە نىساننان جىمقىرىلعان قارجى ەسەبٸنەن ورىندالعان.
سونىمەن قاتار, بٸر كٷدٸكتٸگە قاتىستى قر قك 218-بابى 3-بٶلٸگٸ ("قىلمىستىق جولمەن الىنعان اقشانى نەمەسە ٶزگە مٷلٸكتٸ زاڭداستىرۋ") بويىنشا دا ٸس قوزعالدى. بۇل باپ بويىنشا دا 10 جىلعا دەيٸن باس بوستاندىعىنان ايىرۋ جەنە مٷلكٸن تەركٸلەۋ قاراستىرىلعان.
قازٸرگٸ ۋاقىتتا قىلمىستىق ٸس اياقتالۋعا جاقىن. سوڭعى شەشٸمدٸ سوت شىعاراتىن بولادى.
