كٶكشەتاۋ قالاسىندا اگروٶنەركەسٸپ كەشەنٸ سۋبەكتٸلەرٸنە بەرٸلەتٸن مەملەكەتتٸك سۋبسيدييالاردى جىمقىرۋ ٸسٸ بويىنشا ٷكٸم شىعارىلدى, دەپ حابارلايدى Dalanews.kz.
تەرگەۋدٸ قما اقمولا وبلىسى بويىنشا دەپارتامەنتٸ جٷرگٸزدٸ.
ەكٸ جىل بويى «مولپرودجاركاين» ەكك ديرەكتورى ا.س. ەفيمكينا جەنە «راسسۆەت» شارۋا قوجالىعىنىڭ باسشىسى ا.ۆ. ماسلوۆ سٷت جەنە ونى تەرەڭ ٶڭدەۋ ٶنٸمدەرٸنٸڭ ٶندٸرٸسٸن ارزانداتۋعا ارنالعان سۋبسيدييالاردى زاڭسىز العان.
«راسسۆەت» شارۋا قوجالىعىندا مەلٸمدەلگەن كٶلەمدە سٷت ٶندٸرۋگە جەتكٸلٸكتٸ مال باسى بولماعان. سوعان قاراماستان ەلەكتروندىق شوت-فاكتۋرالار اقپاراتتىق جٷيەسٸندە «مولپرودجاركاين» ەكك-نە 3 ملن كگ-نان استام شيكٸ سٷت جەتكٸزٸلگەنٸ تۋرالى جالعان قۇجاتتار رەسٸمدەلگەن.
وسى قۇجاتتار نەگٸزٸندە سٷتتٸ سارى ماي مەن قاتتى ٸرٸمشٸككە ٶڭدەۋ تۋرالى ەسەپتەر جاسالىپ, ۋەكٸلەتتٸ ورگان ٶتٸنٸمدەردٸ ماقۇلداعاننان كەيٸن قاراجات كەسٸپورىننىڭ ەسەپشوتىنا اۋدارىلعان.
مەملەكەتكە كەلتٸرٸلگەن جالپى زالال 152 ملن تەڭگەنٸ قۇرادى.
بۇدان بٶلەك, الىنعان سۋبسيدييالاردىڭ بٸر بٶلٸگٸ جاسىرۋ ماقساتىندا ەفيمكينانىڭ تۋىسىنىڭ دەپوزيتتٸك شوتىنا اۋدارىلعان. كەيٸن بۇل قاراجاتقا جالعا بەرٸلٸپ, تابىس تابۋ ٷشٸن پايدالانىلعان موبيلدٸ عيمارات ساتىپ الىنعان.
تەرگەۋ بارىسىندا 6 جەر ۋچاسكەسٸنە, 4 پەتەرگە, 11 اۆتوكٶلٸككە, موبيلدٸ عيماراتقا جەنە ٶندٸرٸستٸك نىسانعا تىيىم سالىندى.
سوت ٷكٸمٸمەن ا.ۆ. ماسلوۆ پەن ا.س. ەفيمكينا 6 جىل 4 اي مەرزٸمگە باس بوستاندىعىنان ايىرىلدى. موبيلدٸ عيمارات مەملەكەت كٸرٸسٸنە تەركٸلەندٸ.
قالعان مٷلٸككە سالىنعان تىيىم ازاماتتىق تالاپ تولىق ورىندالعانعا دەيٸن ساقتالادى.
ٷكٸم زاڭدى كٷشٸنە ەندٸ.
