ءىس-شارانى ەلوردانىڭ قورشاعان ورتانى قورعاۋ جانە تابيعاتتى پايدالانۋ باسقارماسى ۇيىمداستىردى جانە كىشى تالدىكول اۋماعىن اباتتاندىرۋ، قالانى كوگالداندىرۋ جانە ەكولوگيالىق مادەنيەتتى قالىپتاستىرۋ ماقساتىندا وتكىزىلدى.
ءىس-شارا بارىسىندا 300-دەن استام جاپىراقتى اعاش (تال، شەگىرشىن) وتىرعىزىلدى، سونداي-اق تاعى 300 اعاش وتىرعىزۋ جوسپارلانۋدا.
– ءبىز كىشى تالدىكولدىڭ اۋماعىن كوگالداندىرۋ جۇمىستارىن جۇرگىزۋدەمىز. ءبىرىنشى كەزەڭدە 600 دانادان استام جاسىل جەلەك وتىرعىزۋ جوسپارلانعان. بۇگىنگى تاڭدا اكسيا اياسىندا 300-دەن استام اعاش وتىرعىزىلدى، قالعان ۋچاسكەلەردىڭ دايىن بولۋىنا قاراي اياقتاۋ جوسپارلانۋدا. ءبىرىنشى، ەكىنشى، ءۇشىنشى قاتاردا تالدىڭ تۇرلىك قۇرامىنىڭ ەكپەلەرى وتىرعىزىلدى، ولار ىلعالعا ءتوزىمدى، سودان كەيىن كوشە جاعىنان كىشكەنتاي جاپىراقتى قاراعاي وتىرعىزىلدى.
بۇدان باسقا، مۇندا قالالىق ورتانى تابيعي تابيعاتپەن ينتەگراسيالاۋ، كىشى تالدىكولدىڭ اۋماعىندا رەكرەاسيالىق ايماق قۇرۋ بويىنشا جۇمىستاردى جالعاستىرۋ ماقساتىندا ەكوپارك قۇرۋ جوسپارلانۋدا، – دەپ اتاپ ءوتتى نۇر-سۇلتان قالاسىنىڭ قورشاعان ورتانى قورعاۋ جانە تابيعاتتى پايدالانۋ باسقارماسىنىڭ تابيعاتتى پايدالانۋدى جانە قۇقىقتى رەتتەۋ سالاسىنداعى مەملەكەتتىك قىزمەتتەر ءبولىمىنىڭ باس مامانى ءۋاليحان قۋانىشيەۆ.
اعاش وتىرعىزۋعا 100-دەن استام ادام قاتىستى، ولار قالا تۇرعىندارى، نۇر-سۇلتان قالاسىنىڭ جاستار ساياساتى ماسەلەلەرى باسقارماسىنىڭ "استانا جاستارى" جاستار رەسۋرستىق ورتالىعىنىڭ ەرىكتىلەرى جانە ەكوبەلسەندىلەر.
سونىمەن قاتار، قىركۇيەك-قازان ايلارىندا ەلوردادا جىل سايىنعى "Birge – taza Qazaqstan" كۇزگى ەكولوگيالىق ايلىعىن وتكىزۋ جوسپارلانىپ وتىر، ونىڭ اياسىندا جاپپاي اعاشتار وتىرعىزىلادى.
سونىمەن قاتار، قازىرگى ۋاقىتتا باسقارما كىشى تالدىكولدە ەكوپارك سالۋدى جوسپارلاپ وتىر. جوبا قالالىق ورتانى تابيعي تابيعاتپەن بىرىكتىرۋگە باعىتتالعان.
جوبادا سۋ ءتۇبىن تەرەڭدەتۋ، سۋ ءتۇبىن لاي جانە باسقا دا زياندى شوگىندىلەردەن تازارتۋ، ورتاشا تەرەڭدىكتى ۇلعايتۋ، سۋ بالانسىن ساقتاۋ جۇمىستارى كوزدەلگەن.
"رەكرەاسيالىق ايماق" سۋ قورعاۋ ايماعى مەن جولاعى، ەدەندىك شامدارى بار جاياۋ جۇرگىنشىلەر جولى ورناتىلاتىن سۋ قويماسىنان تۇراتىن بولادى.
ايماق اۋماعى شاعىن ارحيتەكتۋرالىق نىساندارمەن، تۇرعىندار دەمالاتىن ورىندارمەن اباتتاندىرىلىپ، كوگال شوپتەرى ەگىلىپ، جاسىل جەلەكتەر وتىرعىزىلادى.
