2026 جىلعى شٸلدەدە قازاقستانداعى ايلىق ينفلياتسييا 0,6 پايىز بولدى. بۇل - ماۋسىمداعى 0,8 پايىزبەن سالىستىرعاندا تٶمەن كٶرسەتكٸش, دەپ حابارلايدى dalanews.kz.
ۇلتتىق ستاتيستيكا بيۋروسى مەلٸمەتٸنشە, شٸلدەدە ەڭ كٶپ ارزانداعان ٶنٸمدەر - ماۋسىمدىق جەمٸس-جيدەك پەن كٶكٶنٸس.
قييار باعاسى 22,6 پايىزعا, قىزاناق 17,7 پايىزعا, سەبٸز 5,3 پايىزعا, بانان 4 پايىزعا, الما 2,7 پايىزعا, اپەلسين 2,3 پايىزعا, ليمون مەن كارتوپ 1,6 پايىزعا تٶمەندەدٸ. سونداي-اق, جۇمىرتقا 1,4 پايىزعا, ارپا جارماسى 1,3 پايىزعا ارزاندادى.
ازىق-تٷلٸككە جاتپايتىن تاۋارلار اراسىندا جٷرگەن جەڭٸل كٶلٸكتەردٸڭ باعاسى 3,8 پايىزعا, ەلەكتر ەتتارتقىش 2,2 پايىزعا, كٸر سابىن 1,5 پايىزعا, سمارتفوندار مەن كٶزٸلدٸرٸكتەر 1,3 پايىزعا, شاش بوياۋى 0,7 پايىزعا ارزانداعان.
جىلدىق ەسەپپەن العاندا, 2026 جىلعى شٸلدەدە ينفلياتسييا دەڭگەيٸ 10,2 پايىز بولدى. بۇل ماۋسىمداعى 10,3 پايىزدان تٶمەن.
بٸر جىل ٸشٸندە ازىق-تٷلٸككە جاتپايتىن تاۋارلار باعاسى 11,7 پايىزعا, ازىق-تٷلٸك تاۋارلارى 10,1 پايىزعا, ال اقىلى قىزمەتتەر 9,2 پايىزعا ٶسكەن.
