2026 jylǵy shildede Qazaqstandaǵy ailyq infliatsiia 0,6 paiyz boldy. Bul - maýsymdaǵy 0,8 paiyzben salystyrǵanda tómen kórsetkish, dep habarlaidy dalanews.kz.
Ulttyq statistika biýrosy málimetinshe, shildede eń kóp arzandaǵan ónimder - maýsymdyq jemis-jidek pen kókónis.
Qiiar baǵasy 22,6 paiyzǵa, qyzanaq 17,7 paiyzǵa, sábiz 5,3 paiyzǵa, banan 4 paiyzǵa, alma 2,7 paiyzǵa, apelsin 2,3 paiyzǵa, limon men kartop 1,6 paiyzǵa tómendedi. Sondai-aq, jumyrtqa 1,4 paiyzǵa, arpa jarmasy 1,3 paiyzǵa arzandady.
Azyq-túlikke jatpaityn taýarlar arasynda júrgen jeńil kólikterdiń baǵasy 3,8 paiyzǵa, elektr ettartqysh 2,2 paiyzǵa, kir sabyn 1,5 paiyzǵa, smartfondar men kózildirikter 1,3 paiyzǵa, shash boiaýy 0,7 paiyzǵa arzandaǵan.
Jyldyq eseppen alǵanda, 2026 jylǵy shildede infliatsiia deńgeii 10,2 paiyz boldy. Bul maýsymdaǵy 10,3 paiyzdan tómen.
Bir jyl ishinde azyq-túlikke jatpaityn taýarlar baǵasy 11,7 paiyzǵa, azyq-túlik taýarlary 10,1 paiyzǵa, al aqyly qyzmetter 9,2 paiyzǵa ósken.
