اعىمداعى جىلى مادەنيەت وشاقتارىندا ەلباسىنىڭ «بولاشاققا باعدار: رۋحاني جاڭعىرۋ» جانە "ۇلى دالانىڭ جەتى قىرى" اتتى ماقالالارى اياسىندا 1124 الەۋمەتتىك ماڭىزى بار ءىس-شارالار وتكىزىلگەن ەكەن.
رەسپۋبليكالىق جانە وبلىستىق دەڭگەيدە وتكەن بايقاۋلاردا قالامىزدىڭ ونەرپازدارى 3 ءبىرىنشى ورىن، 1 ەكىنشى ورىن، 3 ءۇشىنشى ورىنداردى جانە بىرنەشە نوميناسيالار مەن العىس حاتتارعا يە بولدى.
قالادا مادەنيەت سالاسىنا جىلدان-جىلعا باسىم كوڭىل ءبولىنىپ وتىر. ونىڭ ىشىندە بالدىرعاندارعا، جەتكىنشەكتەرگە ارنالعان ۇيىرمەلەر ۇيىمداستىرىلىپ، وعان قاتىسۋشىلاردىڭ سانى ارتىپ كەلە جاتىر
حالىق سانىنىڭ ازدىعىنا قاراماي دومبىرا، بي، قۋىرشاق تەاترى جانە دراما، قولونەر ۇيىرمەلەرىنە باسىمدىق بەرگەن.
قازىرگى تاڭدا، حانتاعى جانە بايىلدىر اۋىلدىق كلۋبىنان قۇرىلعان "قۋىرشاق تەاترى" ۇيىرمەسى كەنتاۋ، تۇركىستان قالالارىنداعى مەكتەپتەر مەن بالاباقشالارعا ءوز قويىلىمدارىن بەرىپ ۇلگەرگەن. الداعى ۋاقىتتا كەنتاۋ ونەرپازدارى تۇركىستان ءوڭىرىنىڭ وزگە دە اۋداندارىنا ساپارعا شىعۋدى جوسپارلاپ وتىرعان جايى بار.
