تۇرمىسى تۇزەلە باستاعان كەنتاۋ قالاسى اششىساي اۋىلىندا كوشەلەر جوندەۋدەن ءوتىپ، جارىقتاندىرىلعان. وتكەن عاسىردىڭ 60 جىلدارى سالىنعان مادەنيەت وشاقتارى دا اعىمداعى جوندەۋدەن ءوتىپ، كەڭىنەن پايدالانىلۋدا.

«جاڭا سپورت الاڭدارى سالىنىپ، بالالاردىڭ بوس ۋاقىتتارىن ءتيىمدى وتكىزۋىنە جاعداي جاسالعان. جەرگىلىكتى ءوز-وزىن باسقارۋ زاڭىنىڭ اياسىندا اۋىل بيىل ءوز بيۋدجەتىندەگى 1 ملن. 750 مىڭ تەڭگەگە  بالالار الاڭشالارىن سالۋدى جوسپارلاپتى. تۇرعىلىقتى حالىقتى اۋىز سۋمەن قامتۋ كەزەڭىمەن جۇزەگە اسۋدا»،- دەيدى اششىساي اۋىلىنىڭ اكىمى قايرات قابىلبەكوۆ.

اۋىل اكىمدىگى جانكەلدين كوشەسىن اعىمداعى جوندەۋدەن وتكىزىپ، توزىعى جەتكەن ورتالىق ساياباقتى جاڭالاماق. اششىسايدا تۇراتىن 2 مىڭنان استام حالىقتىڭ  93ء-ى جۇمىسسىز، 254 ء-ى ۆاحتالىق ادىسپەن جۇمىس جاسايدى.

قالعاندارىن تۇراقتى جۇمىسپەن قامتۋ باعىتىندا، اۋىلدى وركەندەتۋ ماقساتىندا قىتايلىق ينۆەستور تارتىلىپتى.

نىسانباي كەنجەبايەۆ، جۇڭگو ينۆەستورلارلارىنىڭ تۇركىستانداعى  وكىلى:

«قىتايلىق ينۆەستورلار  ءوندىرىس قالدىقتارىن وڭدەيتىن كاسىپورىن اشۋ باعىتىندا تۇركىستاندا جۇمىس جاساۋدا. ولار  بىلتىر بانكتە كەپىلدىكتە تۇرعان،  بانكروتقا ۇشىراعان  اششىساي پوليمەتالل كومبيناتىن  اۋكسيوندا 61 ملن. تەڭگە قۇيىپ ساتىپ الدى. شيكىزاتسىز  ءوندىرىس بولمايدى. سوندىقتان بۇل جاعىن دا  شەتەلدىكتەر قامتىعان».

قىتايلىقتار وزىق تەحنولوگيالاردى پايدالانىپ، شىمكەنتتەگى قورعاسىن زاۋىتىنىڭ جارامدى قالدىقتارىن وڭدەپ، اراسىنان 15-17 پايىز قورعاسىن، مىرىشىن الىپ الەمدىك نارىققا شىعارادى دەگەن جوسپارمەن كەلىپتى. ءبىرىنشى وڭدەۋ ءوندىرىس ورنى ۆالس پەشى بادامداعى يندسۋتريالدى ايماقتاعى 15 گەكتاردا ورنالاستىرىلسا، ەكىنشى وڭدەۋ ءوندىرىسى- شاحتا پەشى وسى اششىسايدا ورنالاسادى.

اتالعان كاسىپورىنداردا جەرگىلىكتى مامانداردىڭ ۇلەسى 90 پايىزدى قۇراسا، قالعانى شەتەلدىكتەر. شلاكتىڭ قورى  بەس جىلعا جەتەتىنىن قىتايلىقتار انىقتاعان. شلاك تاۋسىلسا،  اششىسايداعى  قازبا بايلىقتارى الىنىپ،  وندەۋدەن وتكىزىلەدى. ۇزاق مەرزىمدى جوبانى جۇزەگە اسىرۋ 25 جىلدى قامتىماق.