كەنتاۋ قالاسىندا 2025 جىلى جالپى قۇنى 10،3 ملرد تەڭگەنى قۇرايتىن 16 جوبا ىسكە اسىرىلماق. ناتيجەسىندە 492 ادام تۇراقتى جۇمىسپەن قامتىلادى دەپ كۇتىلۋدە. ونىڭ ىشىندە، ونەركاسىپ سالاسىندا 4 ءىرى جوبا جىل سوڭىنا دەيىن جۇمىسىن باستايدى. بۇل تۋرالى كەنتاۋ قالاسىنىڭ اكىمى جاندوس تاسوۆ بريفينگتە مالىمدەدى،- دەپ حابارلايدى Dalanews.kz
«بيىل اشىلاتىن ءتورت ءىرى جوبامىزدىڭ ەكەۋى ارنايى ەكونوميكالىق ايماقتا، قالعان ەكەۋى يندۋستريالدى ايماقتا ورنالاسقان. اتاپ ايتار بولساق، «KentauRedStar»ءجشس-ى – كىرپىش وندىرىسىمەن اينالىسادى. 2023 جىلى قۇرىلىسى باستالعان نىساننىڭ جوبا قۇنى - 1،5 ملرد تەڭگە. بيىل مامىر ايىندا ىسكە قوسىلعان زاۋىتتا 80 ادام تۇراقتى جۇمىسپەن قامتىلعان. ءوندىرىس ورنى جىلىنا 45 ملن دانا كىرپىش وندىرۋگە قاۋقارلى. بۇدان بولەك، «TURAN SHENHUA» ءجشس-ى گاز قازاندىقتارىن جانە تۇرمىستىق تەحنيكالالاردى ءوندىرۋدى قولعا الماق. 2025 جىلدىڭ قاراشا ايىندا جۇمىسىن باستايدى دەپ جوسپارلانعان ءوندىرىس ورنىندا 120 ادامعا جۇمىس تابىلماق. جوبا قۇنى – 2،4 ملرد تەڭگە. سونداي-اق، بيىل اياقتالۋى ءتيىس جوبالار قاتارىندا مەتالل بۇيىمدارىن وندىرۋگە باعىتتالعان «ايدارسترويگرۋپپ» ءجشس-ى جانە «ساپار قۇرىلىس-س» جك مەتالل ءوندىرىسى سەحى بار»،- دەدى سپيكەر.
جالپى شاھاردا 2025 جىلدىڭ 5 ايىندا وڭىرلىك ءونىم كولەمى 33،1 ملرد تەڭگەنى قۇراسا، نەگىزگى كاپيتالعا 5،2 ملرد تەڭگە ينۆەستيسيا تارتىلعان. ال، ونەركاسىپ ءونىمىنىڭ كولەمى 23،6 ملرد تەڭگەگە جەتىپ، وبلىستا 4-ورىنعا جايعاستى. سونداي-اق، وڭدەۋ ونەركاسىبىندە 20،1 ملرد تەڭگەنىڭ ءونىمى وندىرىلسە، اۋىلشارۋاشىلىعى سالاسىندا جالپى ءونىم كولەمى 2،1 ملرد تەڭگەنى قۇراپ وتىر. سونىمەن قاتار، قالاعا قاراستى اۋماقتارعا تۋريستەردى تارتۋ جۇمىستارى دا قارقىندى. جىل باسىنان بەرى وڭىرگە كەلۋشىلەر سانى 16،6%-عا ارتقان. بۇل كورسەتكىشتى جاقسارتا ءتۇسۋ ماقساتىندا حانتاعى اۋىلىندا 13 گا جەرگە 15 زاماناۋي ءمودۋلدى كاپسۋلالارمەن جابدىقتالعان «KHANTAU» دەمالىس ايماعىن اشۋ بويىنشا جۇمىستار جۇرگىزىلۋدە. جىل سوڭىنا دەيىن اياقتالۋى ءتيىس جوبانىڭ قۇنى 400 ملن تەڭگەگە باعالانىپ وتىر. سونداي-اق، «قاراتاۋ» قورىعى اۋماعىنان ۆيزيت-ورتالىعىن سالۋ كوزدەلۋدە. جالپى اۋماعى 300 شارشى مەتر اۋماقتى الاتىن نىسان 100 000 كەلۋشىنى كۇتۋگە قاۋقارلى.
سونىمەن قاتار، وڭىردەگى قۇرىلىس سالاسىندا دا جاڭالىقتار جەتەرلىك. 2025 جىلدىڭ شىلدە ايىندا 5 قاباتتى 60 پاتەرلى الەۋمەتتىك-نەسيەلىك تۇرعىن ءۇيدىڭ قۇرىلىسى اياقتالماق. سونداي-اق، شاھارداعى 288 كوپقاباتتى تۇرعىن ءۇي قازىرگى تاڭدا تولىقتاي جاڭارتىلعان. وڭىردەگى ينفراقۇرىلىم سالاسىندا دا ءبىرقاتار جۇمىستار اتقارىلۋدا. جالپى بۇگىنگى تاڭداعى ءوڭىردىڭ گازمەن قامتىلۋ كورسەتكىشى 85%-عا جەتكەن. ال، كەنتاۋ قالاسى مەن وعان قاراستى اۋىلدار 100% اۋىز سۋمەن قامتىلعان. سونداي-اق، قالا كوشەلەرىنىڭ جارىقتاندىرىلۋى 98%-دى قۇراسا، وڭىردەگى قاناعاتتانارلىق جاعدايداعى جولدار ۇلەسى 87،7%-عا جەتىپ وتىر.
