كەنتاۋ قالالىق ءبىلىم ءبولىمىنىڭ جىلدىق جوسپارىنا جانە ءبولىم باسشىسىنىڭ ارنايى بەكىتكەن كەستەسىنە سايكەس 29 قاراشا كۇنى ق.رىسبەكوۆ اتىنداعى مەكتەپ-ينتەرناتىڭ بازاسىندا كامەلەت جاسقا تولماعان جاسوسپىرىمدەردىڭ زياندى زاتتاردىڭ پايدالانۋىن الدىن الۋ ماقساتىندا «ەسىرتكى شەگۋدىڭ زيانى » تاقىرىبىندا سەمينار ۇيىمداستىرىلدى.

سەمينارعا ءبىلىم ءبولىمىنىڭ تاربيە سالاسىنىڭ ادىسكەرى گ.يسماگيلوۆا جانە مەكتەپتىڭ تاربيە ورىنباسارلارى قاتىستى.

شارا بارىسىندا مەكتەپتىڭ فويەسىندە «ەسىرتكىسىز بولاشاق» تاقىرىبىندا كورمە ۇيىمداستىرىلدى. مەكتەپتىڭ سىنىپ جەتەكشىلەرى ب.جولداسبايەۆا گ.قۇلاموۆا، ن.يبراگيموۆ، م.ناۋرىزبايەۆا، ج.الاكوزوۆالار «ەسىرتكىسىز بولاشاق»، «ءومىر – سەن ماعان قىمباتسىڭ»، «ناشاقورلىق جانە قۇقىق بۇزۋشىلىق»، «عاسىر ىڭدەتىنەن ساقتانايىق»، «سالاۋاتتىلىق – مەنىڭ قالاۋىم»، «ەسىرتكى عاسىر دەرتى» تاقىرىبىندا اشىق تاربيە ساعاتتارىن وتكىزدى. تاربيە ساعاتتارىندا وقۋشىلار بەينەروليك كورىپ، تاقىرىپتىق كورىنىستەر كورسەتىپ جان-جاقتى تالقىلادى.

سەمينار سوڭىندا اكت زالىندا «الاساپىران» ساحنالىق قويىلىمى كورسەتىلىپ، وقۋشىلارى ءوز ونەرلەرىن قوناقتارعا پاش ەتتى.

سەميناردى تاربيە سالاسىنىڭ ادىسكەرى گ.يسماگيلوۆا قورىتىندىلاپ، وقۋشىلارعا ، مەكتەپ اكىمشىلىگىنە ءبولىم اتىنان ۇلكەن العىسىن ءبىلىدىردى.

 

 

Dalanews.kz