مەملەكەت باسشىسى Astana Think Tank فورۋمىنىڭ پلەنارلىق وتىرىسىندا سٶز سٶيلەدٸ.
پرەزيدەنت قاسىم-جومارت توقاەۆ جيىن قاتىسۋشىلارىنا ٸلتيپات بٸلدٸرٸپ, بۇل ديالوگ الاڭى استانا حالىقارالىق فورۋمىنىڭ اياسىندا قۇرىلعانىن, ەڭ ٶزەكتٸ جاھاندىق جەنە ٶڭٸرلٸك مەسەلەلەر جٶنٸندە پٸكٸر الماسۋعا ارنالعانىن اتاپ ٶتتٸ.
– ٶزدەرٸڭٸزگە مەلٸم, بٷگٸندە ادامزات ايماقتىق قاقتىعىستار, ەكونوميكالىق تۇراقسىزدىق, كليماتتىڭ ٶزگەرۋٸ, ازىق-تٷلٸك جەنە كٶشٸ-قون قاۋٸپسٸزدٸگٸ سەكٸلدٸ بۇرىن-سوڭدى بولماعان سىن-قاتەرلەرمەن بەتپە-بەت كەلٸپ وتىر. اتالعان جاھاندىق پروبلەمالار بەرٸمٸزدٸ تولعاندىرادى جەنە وعان تٶتەپ بەرەتٸن شارالاردى بٸرلەسە ٸزدەگەنٸمٸز جٶن.
بٸزدٸڭ كەلەشەگٸمٸز قانشالىقتى كٷش-جٸگەر بٸرٸكتٸرٸپ, ورتاق كەلٸسٸمگە كەلە الاتىنىمىزعا تٸكەلەي بايلانىستى. سوندىقتان قازاقستاننىڭ بۇل ماڭىزدى ٷدەرٸسكە اتسالىسۋىن زور مەرتەبە سانايمىز, – دەدٸ قاسىم-جومارت توقاەۆ.
مەملەكەت باسشىسى ەلەمنٸڭ جٸككە بٶلٸنۋٸ كٷشەيٸپ, كٶپجاقتى حالىقارالىق ينستيتۋتتاردىڭ بەدەلٸ ەلسٸرەگەن سايىن, ورتا دەرجاۆالاردىڭ رٶلٸ ارتا تٷسەدٸ دەپ سانايدى.
– ٸرٸ دەرجاۆالار باقتالاستىققا بوي الدىرىپ, بٸر مەمٸلەگە كەلە الماي جاتقان كەزدە, داۋ-دامايدى رەتتەۋگە ورتا دەرجاۆالار جيٸ دەنەكەر بولادى. وسىلايشا ولار جاھاندىق ىنتىماقتاستىقتىڭ ٸرگەسٸ شايقالماۋىنا ىقپال ەتەدٸ, – دەدٸ پرەزيدەنت.
قاسىم-جومارت توقاەۆ فورۋم قاتىسۋشىلارىنا ەلٸمٸزدٸڭ ٶسٸپ-ٶركەندەۋٸ جەنە قوعامنىڭ دەموكراتييالىق تالپىنىستارىن جٷزەگە اسىرۋ ٷشٸن قازاقستاندا جٷرگٸزٸلٸپ جاتقان اۋقىمدى ساياسي رەفورمالار جٶنٸندە ايتتى. ونىڭ پٸكٸرٸنشە, اەس قۇرىلىسى بويىنشا تاياۋدا ٶتكەن جالپىحالىقتىق رەفەرەندۋم ەلٸمٸزدٸڭ دەموكراتييالىق قۇندىلىقتارعا بەيٸل ەكەنٸن كٶرسەتتٸ.
t.me/aqorda_resmi
