اۋداننىڭ ەڭبەكقور شارۋلارى جەرگٸلٸكتٸ حالىقتى اۋىل شارۋاشىلىعى ٶنٸمدەرٸمەن قامتاماسىز ەتٸپ, كەسٸپتەرٸنٸڭ جەمٸسٸن كٶرۋدە. سولاردىڭ بٸرٸ – كەلەستٸك شارۋا ٶمٸرزاق ماقسات. ول ٷش جىلدان بەرٸ پيياز ەگٸپ, تابىسىن ەسەلەۋدە. شارۋا جاڭادەۋٸر اۋىلىندا ورنالاسقان 2 گەكتار سۋارمالى جەرٸنە ٶتكەن جىلدىڭ تامىز ايىندا پيياز ەككەن. بيىل ماۋسىم ايىنىڭ باسىندا ەككەن ٶنٸمٸن ساۋداعا شىعارۋعا دايىن وتىر. شارۋا مول ٶنٸم الۋدا كەسٸبي مامانداردىڭ كەڭەسٸنە قۇلاق تٷرەتٸنٸن ايتىپ ٶتتٸ.
– پيياز ەگۋمەن ٷش جىلدان بەرٸ اينالىسىپ كەلەمٸز. ٶنٸمنٸڭ تۇقىمىن كٶرشٸ ٶزبەك ەلٸنەن الدىرامىز. ولار كورەيادان داقىلداردى ارنايى الدىرىپ, سۇرىپتاپ, ساۋدالاپ وتىر.
بيىلعى ەككەن پييازىمىزدىڭ سورتى «پاسساد» دەپ اتالادى. بۇل سۇرىپ ۇزاق كٷندە دايىن بولۋىمەن ەرەكشەلەنەدٸ. ەسەسٸنە ٶنٸم مول الىنادى. ٶتكەن جىلدىڭ تامىز ايىندا تۇقىمىن جەتٸلدٸرٸپ, قازان ايىندا كٶشەت قىلىپ وتىرعىزدىق. قىسىمەن قاردىڭ استىندا جاتادى. كٶكتەمدە ٶڭدەۋ جاسالىپ, ٶنٸم الۋعا دايىندايمىز. ٶنٸمدٸ ەسەلەۋ ٷشٸن تٷرلٸ سىنالعان دەرۋمەندەر قولدانىلادى. نەتيجەسٸندە پيياز ەككەن شارۋالار گەكتارىنان 80-90 تونناعا دەيٸن ٶنٸم جينايدى, – دەيدٸ شارۋا.
ايتا كەتەيٸك, بيىل كەلەس اۋدانىندا 27 مىڭنان اسا اۋماققا ەگٸن ەگٸلسە, ونىڭ 11 مىڭعا جۋىق جەرٸنە باقشا, كٶكٶنٸس ٶنٸمدەرٸ ەگٸلگەن. جالپى ٶتكەن جىلى شارۋالاردىڭ تىنىمسىز ەڭبەگٸنٸنٸڭ ارقاسىندا اۋدان بويىنشا 458 359 توننا ٶنٸم ٶندٸرٸلدٸ.
