كەلەس اۋدانىنىڭ قايتا قۇرىلۋىنا ارنالعان «كەلەسىم – اتامەكەنىم» اتتى كەلەس اۋدانىنىڭ بىرتىلەك اۋىلدىق وكرۋگىندە سالتاناتتى ءىس-شارا ءوتتى.

قازاقستان تاريحىندا وزىندىك ورنى بار كەلەس دالاسىنداعى كەلەس اۋدانىنىڭ اراعا 21 جىل سالىپ، قايتا قالپىنا كەلتىرىلۋىنە بايلانىستى، اۋدان اقساقالدارى باستاماشى بولىپ، وتكىزىلگەن «كەلەسىم — اتامەكەنىم» اتتى مادەني مەرەكەلىك جيىنعا استانادان، الماتىدان، شىمكەنتتەن، سارىاعاشتان، ماقتاتارالدان، قازىعۇرتتان، جەتىسايدان، شاردارادان قوناقتار قاتىستى.

سالتاناتتى جيىندا كەلەس اۋدانىنىڭ اكىمى اقمەنتاي ۇسەن ۇلى ەسبايەۆ اۋدان تۇرعىندارىمەن قوناقتارىن ايتۋلى مەرەكەمەن قۇتتىقتاپ، اۋدانىمىزدىڭ تۋماسى باتىس قازاقستان وبلىسى اكىمى كولگىنوۆ التاي سەيدىر ۇلىنىڭ قۇتتىقتاۋ حاتىن وقىپ بەردى.

شارا بارىسىندا وسىدان 800 جىلداي بۇرىن، ءبىزدىڭ وسى كەلەس دالاسىنان قونىس اۋدارعان قايى قاڭلىلاردىڭ ۇرپاعى كىشى ازيادا وسمان يمپەرياسىن قۇرىپ، بۇكىل مۇسىلمان الەمىنە 600 جىل قورعان بولعان جەرلەستەرىمىزدىڭ بىزبەن زامانداس ۇرپاعىنىڭ وكىلى، قازىرگى تۇرىك مەملەكەتىندەگى كەلەس اۋدانى، كەلەس قالاسىنىڭ مەرى مەحمەت تەكەنىڭ بەينە قۇتتىقتاۋى تىڭدالدى.

شارا بارىسى حالىقارالىق، رەسپۋبليكالىق، وبلىستىق ايتىستاردىڭ بىرنەشە دۇركىن جەڭىمپازى اقىن، جەرلەسىمىز جارقىنبەك ناۋشابەكوۆتىڭ «كەلەسىم-اتا مەكەنىم» مەرەكەسىنە ارناۋ ولەڭىن ارناپ، اۋداندىق مادەنيەت ءۇيى قىزمەتكەرلەرى تاراپىنان قونسەرتتىك باعدارلاماعا ۇلاستى.