تۇركىستان وبلىسى كەلەس اۋدانىنداعى اباي اۋىلىندا  كاسىپكەرلەرگە قىزمەت كورسەتۋ ورتالىعى اشىلدى. ورتالىقتىڭ ماقساتى – حالىققا ساپالى قىزمەت كورسەتۋ جانە كاسىپكەرلىكتى دامىتۋ.

ورتالىقتا اۋداندىق كاسىپكەرلىك جانە اۋىل شارۋاشىلىعى ءبولىمى، ۇلتتىق كاسىپكەرلىك پالاتاسىنىڭ اۋداندىق فيليالى جانە تۇركىستان كاسىپكەرلەرگە قىزمەت كورسەتۋ فيليالىنىڭ اۋداندىق ءبولىمى ورنالاسقان. سونداي-اق، اۋىل شارۋاشىلىعىن قولداۋ قورى مەن شاعىن قارجىلىق ۇيىمدار مەن «ىرىس» مكۇ» ءجشس-نىڭ ماماندارى قىزمەت كورسەتەدى.   سونىمەن قاتار، ورتالىقتا قارجىلاندىرۋشى كومپانيالاردىڭ وكىلدەرى مەن ەكىنشى دەڭگەيلى بانك جانە ۇلتتىق دامىتۋ ينستيتۋتتارى جايعاسقان. ياعني، وسىندا كەلگەن كاسىپكەر «ءبىر تەرەزە» قاعيداسى بويىنشا كوكەيىن مازالاعان سۇراقتارىنىڭ بارلىعىنا جاۋاپ الا الادى.

كاسىپكەرلەرگە قىزمەت كورسەتۋ ورتالىعى بۇل شاعىن جانە ورتا بيزنەستى دامىتۋعا باعىتتالعان بىرەگەي ينستيتۋت. ورتالىق «ءبىر تەرەزە» قاعيداسى بويىنشا  حالىققا قىزمەت كورسەتەدى.

ايتا كەتەيىك، وندا كاسىبىن ەندى عانا باستاعان كاسىپكەر ارنايى وقۋدان ءوتىپ، بيزنەس-جوسپار جازىپ، ىڭعايلى قارجىلاندىرۋشى كوزدى انىقتايدى.

 

تۇركىستان وبلىسى اكىمىنىڭ باسپا ءسوز قىزمەتى