بۇل تۋرالى قالا اكىمى ءابدىباقىت ماقۇلبايەۆ حابارلادى. ونىڭ ايتۋىنشا، كەنتاۋدىڭ گازبەن قامتۋ ءۇش كەزەڭ بويىنشا جۇزەگە اسىرىلماق. وسىلايشا ۇيلەرىنە كومىر تاسىپ قاجىعان كەنتاۋلىقتار كەلەر جىلدان باستاپ "كوگىلدىر وتىننىڭ" قىزىعىن كورمەك.
– قالاعا گاز بەرۋ ءىسى الداعى جىلدان باستالادى دەپ كۇتىپ وتىرمىز. بيىلعى جىلى نەگىزىنەن قالا ىشىندەگى گاز جۇرگىزۋگە قاجەتتى ينفراقۇرىلىمدار جاسالىندى. جالپى العانشا كەنتاۋدى گازداندىرۋ جۇمىستارى ءۇش كەزەڭ بويىنشا جۇزەگە اسپاق. قازىرگى كۇنگە دەيىن ءبىرىنشى كەزەڭدەگى جۇمىستاردىڭ 70 پايىزى اياقتالدى. ەكىنشى، ءۇشىنشى كەزەڭ جۇمىستارى دا باستالۋعا شاق تۇر. كەلەر جىلدىڭ سوڭىنا تامان گاز بەرۋدى بىرتىندەپ باستاساق، 2020 جىلدىڭ اياعىندا كەنتاۋدى تولىق گازداندىراتىن بولامىز، – دەيدى قالا اكىمى.
[perfectpullquote align="right" bordertop="false" cite="" link="" color="" class="" size=""]بۇدان بولەك كەنتاۋعا قاراستى ەلدى-مەكەندەر دە كوگىلدىر وتىنعا كوشپەك. ءازىر قالاعا قاراستى حان-تاعى اۋىلىندا گاز قۇبىرىن تارتۋ جۇمىستارى جۇرۋدە. الداعى جىلى قارناق، بايىلدىر، قۇسشى اتا سياقتى اۋىلدارعا گاز قۇبىرى تارتىلماق.
– كوگىلدىر وتىندى تەك مونو قالا تۇرعىندارى عانا ەمەس، شاھارعا تيەسىلى 67 اۋىلدىڭ حالقى كۇتۋدە. ال جالپى وبلىستا تابيعي گازبەن قامتاماسىز ەتۋ سالاسىندا 67 نىساننىڭ قۇرىلىسى جۇرگىزىلۋدە. الدا 42 ەلدى مەكەنگە، ياعني 60،3 مىڭ تۇرعىنعا تابيعي گاز جەتكىزىلەتىن بولادى.
جوسپار بويىنشا 2021 جىلدىڭ سوڭىندا اششىساي اۋىلىنان باسقا كەنتاۋ اۋماعىن تولىق گازبەن قامتىپ ءبىتۋىمىز كەرەك، – دەيدى بۇل ورايدا ءابدىباقىت ماقۇلبايەۆ.
