Bul týraly qala ákimi Ábdibaqyt Maqulbaev habarlady. Onyń aitýynsha, Kentaýdyń gazben qamtý úsh kezeń boiynsha júzege asyrylmaq. Osylaisha úilerine kómir tasyp qajyǵan kentaýlyqtar keler jyldan bastap "kógildir otynnyń" qyzyǵyn kórmek.
– Qalaǵa gaz berý isi aldaǵy jyldan bastalady dep kútip otyrmyz. Biylǵy jyly negizinen qala ishindegi gaz júrgizýge qajetti infraqurylymdar jasalyndy. Jalpy alǵansha Kentaýdy gazdandyrý jumystary úsh kezeń boiynsha júzege aspaq. Qazirgi kúnge deiin birinshi kezeńdegi jumystardyń 70 paiyzy aiaqtaldy. Ekinshi, úshinshi kezeń jumystary da bastalýǵa shaq tur. Keler jyldyń sońyna taman gaz berýdi birtindep bastasaq, 2020 jyldyń aiaǵynda Kentaýdy tolyq gazdandyratyn bolamyz, – deidi qala ákimi.
[perfectpullquote align="right" bordertop="false" cite="" link="" color="" class="" size=""]Budan bólek Kentaýǵa qarasty eldi-mekender de kógildir otynǵa kóshpek. Ázir qalaǵa qarasty Han-taǵy aýylynda gaz qubyryn tartý jumystary júrýde. Aldaǵy jyly Qarnaq, Baiyldyr, Qusshy ata siiaqty aýyldarǵa gaz qubyry tartylmaq.
– Kógildir otyndy tek mono qala turǵyndary ǵana emes, shaharǵa tiesili 67 aýyldyń halqy kútýde. Al jalpy oblysta tabiǵi gazben qamtamasyz etý salasynda 67 nysannyń qurylysy júrgizilýde. Alda 42 eldi mekenge, iaǵni 60,3 myń turǵynǵa tabiǵi gaz jetkiziletin bolady.
Jospar boiynsha 2021 jyldyń sońynda Ashysai aýylynan basqa Kentaý aýmaǵyn tolyq gazben qamtyp bitýimiz kerek, – deidi bul oraida Ábdibaqyt Maqulbaev.
