ساپار بارىسىندا مينيستر سىرتقى ەكونوميكالىق قىزمەت جانە كەدەن ماڭى سالاسىنىڭ قاتىسۋشىلارىمەن كەزدەسىپ، سىرتقى ساۋدا قىزمەتىن دامىتۋ ماسەلەلەرى بويىنشا جۇمىس كەڭەسىن وتكىزدى.
ءوز سوزىندە مينيستر قازاقستان مەن وزبەكستان اراسىنداعى سىرتقى ساۋدا اينالىمىنىڭ قارقىندى ءوسۋىن، سونداي-اق وزبەكستاننان ەاەو ەلدەرىنە تاۋارلار ءترانزيتى كولەمىنىڭ ۇلعايۋىن اتاپ ءوتتى.
انىقتاما: شەكاراداعى كولىك اعىنى سوڭعى 7 جىلدا تۇراقتى ءوسىپ، 10 ەسەگە ۇلعايدى.
2021 جىلعى تاۋار اينالىمىنىڭ كولەمى 3،8 ملرد. اقش دوللارىن قۇرادى، بۇل الدىڭعى جىلمەن سالىستىرعاندا 18%-عا ارتىق.
مەملەكەتتەر الدىندا ءوزارا ساۋدا دەڭگەيىن 10 ملرد. اقش دوللارىنا دەيىن ۇلعايتۋ ماقساتى تۇر.
مينيستر ءوڭىردىڭ ترانزيتتىك-كولىكتىك الەۋەتى تاۋارلار وتكىزۋ پروسەستەرىن جەدەلدەتۋگە باعىتتالعانىن جانە ەكى مەملەكەتتىڭ ستراتەگيالىق ىنتىماقتاستىعىن نىعايتۋعا ىقپال ەتەتىنىن اتاپ ءوتتى.
قارجى ءمينيسترى مەملەكەت باسشىسىنىڭ كەدەندىك اكىمشىلەندىرۋدى جاقسارتۋ جانە بيۋدجەتكە قوسىمشا كەدەندىك تولەمدەر مەن سالىقتاردى ۇلعايتۋ بويىنشا مىندەت قويعانىن اتاپ ءوتتى.
جاڭا قازاقستان حالىقتىڭ ءومىر ءسۇرۋ ساپاسىن تۇبەگەيلى جاقسارتۋدى جانە ۇلتتىق تابىستى دۇرىس ءبولۋدى تالاپ ەتەدى. وسىعان بايلانىستى كەدەن جۇمىسىنداعى بيزنەس-پروسەستەردى جاقسارتۋ بويىنشا ناقتى شارالار قابىلداناتىن بولادى.
جالپى، ول مەملەكەت سىرتقى ەكونوميكالىق قىزمەتتى جۇزەگە اسىراتىن كاسىپكەرلەر ءۇشىن قولايلى بيزنەس-ورتا قۇرىپ جاتقانىن اتاپ ءوتتى. كەدەندىك ينفراقۇرىلىم كەزەڭ-كەزەڭىمەن جەتىلدىرىلۋدە، وتكىزۋ پۋنكتتەرى جاڭعىرتىلۋدا جانە باقىلاۋ راسىمدەرى مەن شارالارىن ورتاشا سيفرلاندىرۋ جۇزەگە اسىرىلۋدا.
2021 جىلدىڭ ءساۋىر ايىندا «ب.قونىسبايەۆ» اتىنداعى جاڭعىرتىلعان وتكىزۋ پۋنكتى پايدالانۋعا بەرىلدى. 2024 جىلدىڭ سوڭىنا دەيىن «قاپلانبەك»، «قازىعۇرت» جانە «اتامەكەن» وتكىزۋ پۋنكتتەرىن جاڭعىرتۋ جوسپارلانۋدا.
