Sapar barysynda Mınıstr syrtqy ekonomıkalyq qyzmet jáne keden mańy salasynyń qatysýshylarymen kezdesip, syrtqy saýda qyzmetin damytý máseleleri boıynsha jumys keńesin ótkizdi.
Óz sózinde Mınıstr Qazaqstan men Ózbekstan arasyndaǵy syrtqy saýda aınalymynyń qarqyndy ósýin, sondaı-aq Ózbekstannan EAEO elderine taýarlar tranzıti kóleminiń ulǵaıýyn atap ótti.
Anyqtama: shekaradaǵy kólik aǵyny sońǵy 7 jylda turaqty ósip, 10 esege ulǵaıdy.
2021 jylǵy taýar aınalymynyń kólemi 3,8 mlrd. AQSH dollaryn qurady, bul aldyńǵy jylmen salystyrǵanda 18%-ǵa artyq.
Memleketter aldynda ózara saýda deńgeıin 10 mlrd. AQSH dollaryna deıin ulǵaıtý maqsaty tur.
Mınıstr óńirdiń tranzıttik-kóliktik áleýeti taýarlar ótkizý prosesterin jedeldetýge baǵyttalǵanyn jáne eki memlekettiń strategıalyq yntymaqtastyǵyn nyǵaıtýǵa yqpal etetinin atap ótti.
Qarjy mınıstri Memleket basshysynyń kedendik ákimshilendirýdi jaqsartý jáne búdjetke qosymsha kedendik tólemder men salyqtardy ulǵaıtý boıynsha mindet qoıǵanyn atap ótti.
Jańa Qazaqstan halyqtyń ómir súrý sapasyn túbegeıli jaqsartýdy jáne ulttyq tabysty durys bólýdi talap etedi. Osyǵan baılanysty keden jumysyndaǵy bıznes-prosesterdi jaqsartý boıynsha naqty sharalar qabyldanatyn bolady.
Jalpy, ol memleket syrtqy ekonomıkalyq qyzmetti júzege asyratyn kásipkerler úshin qolaıly bıznes-orta quryp jatqanyn atap ótti. Kedendik ınfraqurylym kezeń-kezeńimen jetildirilýde, ótkizý pýnktteri jańǵyrtylýda jáne baqylaý rásimderi men sharalaryn ortasha sıfrlandyrý júzege asyrylýda.
2021 jyldyń sáýir aıynda «B.Qonysbaev» atyndaǵy jańǵyrtylǵan ótkizý pýnkti paıdalanýǵa berildi. 2024 jyldyń sońyna deıin «Qaplanbek», «Qazyǵurt» jáne «Atameken» ótkizý pýnktterin jańǵyrtý josparlanýda.
