ونىڭ ايتۋىنشا، قازاقستان 2020 جىلى KazSat جەرسەرىگىن جاساۋدى قولعا الادى.
ول ءارى قارايعى جۇمىستار جاريالاناتىن بايقاۋ راسىمدەرىنەن كەيىن ايقىن بولاتىندىعىن اتاپ ءوتتى.
- بۇگىن ءبىز جەرسەرىكتىڭ تەحنيكالىق-ەكونوميكالىق نەگىزدەمە قۇجاتتارىمەن اينالىسىپ جاتىرمىز، سودان كەيىن ءتيىستى كونكۋرستىق راسىمدەر وتكىزىلەدى. سول كەزدە ارى قاراي كىمدەرمەن جۇمىس ىستەيتىنىمىز بەلگىلى بولادى، - دەدى مينيستر.
جەرسەرىكتىڭ تەحنيكالىق-ەكونوميكالىق نەگىزدەمەسىن جاساۋعا شامامەن 40 ميلليارد تەڭگە بولىنگەن.
- بۇل جەرسەرىكتى جاساۋعا تىكەلەي جۇمسالاتىن شىعىندار، ودان بولەك جەرسەرىكپەن بايلانىس جاقسى بولۋ ءۇشىن جەر بەتىندەگى بايلانىس جۇيەلەرىنە كەتەتىن باسقا دا شىعىندار بار. بۇگىنگى كۇنى ءبىز بارلىق قۇجاتتامالىق جۇمىستاردى اياقتادىق. بايقاۋ جاريالانادى. مەردىگەرلەرى قالاي انىقتالادى، ءبىز سولاي جۇمىسقا كىرىسەمىز، - دەپ ءسوزىن تۇيىندەدى ول.
