Onyń aıtýynsha, Qazaqstan 2020 jyly KazSat jerserigin jasaýdy qolǵa alady.
Ol ári qaraıǵy jumystar jarıalanatyn baıqaý rásimderinen keıin aıqyn bolatyndyǵyn atap ótti.
- Búgin biz jerseriktiń tehnıkalyq-ekonomıkalyq negizdeme qujattarymen aınalysyp jatyrmyz, sodan keıin tıisti konkýrstyq rásimder ótkiziledi. Sol kezde ary qaraı kimdermen jumys isteıtinimiz belgili bolady, - dedi mınıstr.
Jerseriktiń tehnıkalyq-ekonomıkalyq negizdemesin jasaýǵa shamamen 40 mıllıard teńge bólingen.
- Bul jerserikti jasaýǵa tikeleı jumsalatyn shyǵyndar, odan bólek jerserikpen baılanys jaqsy bolý úshin jer betindegi baılanys júıelerine ketetin basqa da shyǵyndar bar. Búgingi kúni biz barlyq qujattamalyq jumystardy aıaqtadyq. Baıqaý jarıalanady. Merdigerleri qalaı anyqtalady, biz solaı jumysqa kirisemiz, - dep sózin túıindedi ol.
