تارقاتىپ ايتساق, اۋداندا بٸر عانا مال شارۋاشىلىعى سالاسىنىڭ ٶندٸرگەن ٶنٸمٸ 22,1 ملرد تەڭگەگە جەتكەن. بيىلدىڭ ٶزٸندە اۋداندا 7,8 مىڭ توننا ەت, 40,3 مىڭ توننا سٷت جەنە 7,1 ملن جۇمىرتقا ٶندٸرٸپ, اۋدانداعى شارۋالار تىنىمسىز ەڭبەك ەتكەنٸن بايقاۋعا بولادى.
قازٸرگٸ تاڭدا كاتونقاراعايلىق شارۋالار ەت پەن سٷتتٸ مولىنان ٶندٸرۋ ٷشٸن قوي ماقساتىندا قوي, جىلقى, قۇس, مارال جەنە ارا شارۋاشىلىعىن دامىتۋعا ايرىقشا كٶڭٸل بٶلۋدە.
كاتون قاراعاي اۋدانىنا عانا تەن شارۋاشىلىقتى تٷرٸ مارال ٶسٸرۋ ٸسٸ دەسەك بولادى. بٷگٸندە اۋداندا مارال ٶسٸرۋ ٸسٸمەن 11 شارۋاشىلىق اينالىسادى. ولار جىل سايىن 4 توننا مارال مٷيزٸ مەن 2 توننا پانت ٶندٸرٸپ كەلەدٸ. شارۋاشىلىقتاردىڭ ٶندٸرگەن ٶنٸمەن سۇرانىس جوعار. اۋداندا مارال ٶسٸرۋ ٸسٸ اۋدانداعى تابىستى شارۋاشىلىقتىڭ بٸرٸ بولاتىنى انىق.
سوڭعى ۋاقىتتارى ادانداعى ومارتاشىلار دا ساپالى ٶنٸمدەرٸمەن اۋداننىڭ اتىن شىعارىپ جٷرگەنٸ بەلگٸلٸ. بٷگٸندە اۋداندا ومارتاشىلىقپەن كەسٸبي تٷردە اينالىساتىن 16 مىڭ وتباسى بار. ولار جىل سايىن 350-400 توننا بال ٶندٸرٸپ, اۋدان ەكونوميكاسىنىڭ دامۋىنا ٶز ٷلەستەرٸن قوسىپ كەلەدٸ.
