Táýelsizdik jyldary elimizde shekara ótindegi aýdandardy damytý isine basa kóńil bólindi.  Bul baǵyttaǵy jumystar aldaǵy ýaqytta da jalǵasatyny belgili. Osyndaı aýdandardyń biri – Shyǵys Qazaqstan oblysyndaǵy Katonqaraǵaı aýdany. Aýdanda aýyl sharýashylyǵy men týrızm salasynyń áleýeti óte joǵary, – dep habarlaıdy Dalanews.kz.

Elimiz egemendigin alǵan ýaqyttan beri aýdandaǵy aýyl sharýashylyǵy eńbekkerleriniń óndirgen ónimi 1,6 mlrd teńgeden 31,4 mlr teńgege ulǵaıyp, kórsetkish 20 esege óskenin baıqaýǵa bolady.

Tarqatyp aıtsaq, aýdanda bir ǵana mal sharýashylyǵy salasynyń óndirgen ónimi 22,1 mlrd teńgege jetken. Bıyldyń ózinde aýdanda 7,8 myń tonna et, 40,3 myń tonna sút jáne 7,1 mln jumyrtqa óndirip, aýdandaǵy sharýalar tynymsyz eńbek etkenin baıqaýǵa bolady.

Qazirgi tańda katonqaraǵaılyq sharýalar et pen sútti molynan óndirý úshin qoı maqsatynda qoı, jylqy, qus, maral jáne ara sharýashylyǵyn damytýǵa aıryqsha kóńil bólýde.

Katon Qaraǵaı aýdanyna ǵana tán sharýashylyqty túri maral ósirý isi desek bolady. Búginde aýdanda maral ósirý isimen 11 sharýashylyq aınalysady. Olar jyl saıyn 4 tonna maral múızi men 2 tonna pant óndirip keledi. Sharýashylyqtardyń óndirgen ónimen suranys joǵar. Aýdanda maral ósirý isi aýdandaǵy tabysty sharýashylyqtyń biri bolatyny anyq.

Sońǵy ýaqyttary adandaǵy omartashylar da sapaly ónimderimen aýdannyń atyn shyǵaryp júrgeni belgili. Búginde aýdanda omartashylyqpen kásibı túrde aınalysatyn 16 myń otbasy bar. Olar jyl saıyn 350-400 tonna bal óndirip, aýdan ekonomıkasynyń damýyna óz úlesterin qosyp keledi.