كاتونقاراعاي اۋدانىندا مەملەكەتتىك باعدارلامالار اياسىندا اۋداندا جاڭا تۇرعىن ۇيلەر سالىنۋدا. تاۋەلسىزدىككە قول جەتكىزگەن 30 جىل ىشىندە اۋداندا 90 مىڭ شارشى مەتردەن استام تۇرعىن ءۇي سالىندى، 1000-نان استام وتباسى جاڭا تۇرعىن ۇيگە كوشكەن، – دەپ حابارلايدى Dalanews.kz.

اعىمداعى جىلدىڭ وزىندە اۋدان بويىنشا 1،0 ملرد تەڭگەدەن استام قاراجاتقا 7،4 مىڭ شارشى مەتر تۇرعىن ءۇي سالىندى، بۇل وتكەن جىلمەن سالىستىرعاندا 2،2 ەسەگە ارتىق.

شىعىس قازاقستان وبلىسى اكىمى دانيال احمەتوۆتىڭ باستاماسى بويىنشا تۇرعىن ۇيگە مۇقتاجدار ماسەلەسىن شەشۋ ماقساتىندا وتكەن جىلدان باستاپ «ءبىر قاباتتى شىعىس» باعدارلاماسى ىسكە اسىرىلۋدا. وسى باعدارلاما شەڭبەرىندە وتكەن جىلى ءبىرىڭعاي ساۋلەتتىك كەلبەتى بار 3 ەكى پاتەرلى تۇرعىن ءۇي پايدالانۋعا بەرىلسە، بيىل 17 پاتەرلى ەكى ءۇيدىڭ يەلەرى باسپانالارىنا كىردى. ولار ۇلكەن نارىن اۋىلىندا 10 پاتەرلى ءۇي مەن كاتونقاراعاي اۋىلىندا 7 پاتەرلى ۇيلەر.

اعىمداعى جىلى «نۇرلى جەر» باعدارلاماسى اياسىندا ۇلكەن نارىن اۋىلىندا 30 پاتەرلى تۇرعىن ءۇي سالىنىپ، پايدالانۋعا بەرىلەدى.